| Library / Tipiṭaka / തിപിടക • Tipiṭaka / കങ്ഖാവിതരണീ-അഭിനവ-ടീകാ • Kaṅkhāvitaraṇī-abhinava-ṭīkā |
൨. ചീവരവഗ്ഗോ
2. Cīvaravaggo
൧൧. ഗരുപാവുരണസിക്ഖാപദവണ്ണനാ
11. Garupāvuraṇasikkhāpadavaṇṇanā
യസ്മാ പവാരിതട്ഠാനേ വിഞ്ഞത്തി നാമ ന പടിസേധേതബ്ബാ, തസ്മാ ഭഗവാ ധമ്മനിമന്തനവസേന പവാരിതട്ഠാനേ ‘‘വദേഥായ്യേ, യേനത്ഥോ’’തി (സാരത്ഥ॰ ടീ॰ പാചിത്തിയ ൩.൭൮൪) വുത്തായ ചതുക്കംസപരമം വിഞ്ഞാപേതബ്ബന്തി പരിച്ഛേദം ദസ്സേതീതി വേദിതബ്ബം. തേനേവ ‘‘ചേതാപേതബ്ബന്തി ഠപേത്വാ സഹധമ്മികേ ച ഞാതകപ്പവാരിതേ ച അഞ്ഞേന കിസ്മിഞ്ചിദേവ ഗുണേ പരിതുട്ഠേന ‘വദേഥായ്യേ, യേനത്ഥോ’തി വുത്തായ വിഞ്ഞാപേതബ്ബ’’ന്തി വുത്തം. രാജാനന്തി പസേനദികോസലരാജാനം.
Yasmā pavāritaṭṭhāne viññatti nāma na paṭisedhetabbā, tasmā bhagavā dhammanimantanavasena pavāritaṭṭhāne ‘‘vadethāyye, yenattho’’ti (sārattha. ṭī. pācittiya 3.784) vuttāya catukkaṃsaparamaṃ viññāpetabbanti paricchedaṃ dassetīti veditabbaṃ. Teneva ‘‘cetāpetabbanti ṭhapetvā sahadhammike ca ñātakappavārite ca aññena kismiñcideva guṇe parituṭṭhena ‘vadethāyye, yenattho’ti vuttāya viññāpetabba’’nti vuttaṃ. Rājānanti pasenadikosalarājānaṃ.
ഗരുപാവുരണസിക്ഖാപദവണ്ണനാ നിട്ഠിതാ.
Garupāvuraṇasikkhāpadavaṇṇanā niṭṭhitā.
