| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၂. စီဝရဝဂ္ဂော
2. Cīvaravaggo
၁၁. ဂရုပာဝုရဏသိက္ခာပဒဝဏ္ဏနာ
11. Garupāvuraṇasikkhāpadavaṇṇanā
ယသ္မာ ပဝာရိတဋ္ဌာနေ ဝိညတ္တိ နာမ န ပဋိသေဓေတဗ္ဗာ, တသ္မာ ဘဂဝာ ဓမ္မနိမန္တနဝသေန ပဝာရိတဋ္ဌာနေ ‘‘ဝဒေထာယ္ယေ, ယေနတ္ထော’’တိ (သာရတ္ထ. ဋီ. ပာစိတ္တိယ ၃.၇၈၄) ဝုတ္တာယ စတုက္ကံသပရမံ ဝိညာပေတဗ္ဗန္တိ ပရိစ္ဆေဒံ ဒသ္သေတီတိ ဝေဒိတဗ္ဗံ။ တေနေဝ ‘‘စေတာပေတဗ္ဗန္တိ ဌပေတ္ဝာ သဟဓမ္မိကေ စ ဉာတကပ္ပဝာရိတေ စ အညေန ကိသ္မိဉ္စိဒေဝ ဂုဏေ ပရိတုဋ္ဌေန ‘ဝဒေထာယ္ယေ, ယေနတ္ထော’တိ ဝုတ္တာယ ဝိညာပေတဗ္ဗ’’န္တိ ဝုတ္တံ။ ရာဇာနန္တိ ပသေနဒိကောသလရာဇာနံ။
Yasmā pavāritaṭṭhāne viññatti nāma na paṭisedhetabbā, tasmā bhagavā dhammanimantanavasena pavāritaṭṭhāne ‘‘vadethāyye, yenattho’’ti (sārattha. ṭī. pācittiya 3.784) vuttāya catukkaṃsaparamaṃ viññāpetabbanti paricchedaṃ dassetīti veditabbaṃ. Teneva ‘‘cetāpetabbanti ṭhapetvā sahadhammike ca ñātakappavārite ca aññena kismiñcideva guṇe parituṭṭhena ‘vadethāyye, yenattho’ti vuttāya viññāpetabba’’nti vuttaṃ. Rājānanti pasenadikosalarājānaṃ.
ဂရုပာဝုရဏသိက္ခာပဒဝဏ္ဏနာ နိဋ္ဌိတာ။
Garupāvuraṇasikkhāpadavaṇṇanā niṭṭhitā.
