| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
២. ចីវរវគ្គោ
2. Cīvaravaggo
១១. គរុបាវុរណសិក្ខាបទវណ្ណនា
11. Garupāvuraṇasikkhāpadavaṇṇanā
យស្មា បវារិតដ្ឋានេ វិញ្ញត្តិ នាម ន បដិសេធេតព្ពា, តស្មា ភគវា ធម្មនិមន្តនវសេន បវារិតដ្ឋានេ ‘‘វទេថាយ្យេ, យេនត្ថោ’’តិ (សារត្ថ. ដី. បាចិត្តិយ ៣.៧៨៤) វុត្តាយ ចតុក្កំសបរមំ វិញ្ញាបេតព្ពន្តិ បរិច្ឆេទំ ទស្សេតីតិ វេទិតព្ពំ។ តេនេវ ‘‘ចេតាបេតព្ពន្តិ ឋបេត្វា សហធម្មិកេ ច ញាតកប្បវារិតេ ច អញ្ញេន កិស្មិញ្ចិទេវ គុណេ បរិតុដ្ឋេន ‘វទេថាយ្យេ, យេនត្ថោ’តិ វុត្តាយ វិញ្ញាបេតព្ព’’ន្តិ វុត្តំ។ រាជានន្តិ បសេនទិកោសលរាជានំ។
Yasmā pavāritaṭṭhāne viññatti nāma na paṭisedhetabbā, tasmā bhagavā dhammanimantanavasena pavāritaṭṭhāne ‘‘vadethāyye, yenattho’’ti (sārattha. ṭī. pācittiya 3.784) vuttāya catukkaṃsaparamaṃ viññāpetabbanti paricchedaṃ dassetīti veditabbaṃ. Teneva ‘‘cetāpetabbanti ṭhapetvā sahadhammike ca ñātakappavārite ca aññena kismiñcideva guṇe parituṭṭhena ‘vadethāyye, yenattho’ti vuttāya viññāpetabba’’nti vuttaṃ. Rājānanti pasenadikosalarājānaṃ.
គរុបាវុរណសិក្ខាបទវណ្ណនា និដ្ឋិតា។
Garupāvuraṇasikkhāpadavaṇṇanā niṭṭhitā.
