| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๒. จีวรวโคฺค
2. Cīvaravaggo
๑๑. ครุปาวุรณสิกฺขาปทวณฺณนา
11. Garupāvuraṇasikkhāpadavaṇṇanā
ยสฺมา ปวาริตฎฺฐาเน วิญฺญตฺติ นาม น ปฎิเสเธตพฺพา, ตสฺมา ภควา ธมฺมนิมนฺตนวเสน ปวาริตฎฺฐาเน ‘‘วเทถาเยฺย, เยนโตฺถ’’ติ (สารตฺถ. ฎี. ปาจิตฺติย ๓.๗๘๔) วุตฺตาย จตุกฺกํสปรมํ วิญฺญาเปตพฺพนฺติ ปริเจฺฉทํ ทเสฺสตีติ เวทิตพฺพํฯ เตเนว ‘‘เจตาเปตพฺพนฺติ ฐเปตฺวา สหธมฺมิเก จ ญาตกปฺปวาริเต จ อเญฺญน กิสฺมิญฺจิเทว คุเณ ปริตุเฎฺฐน ‘วเทถาเยฺย, เยนโตฺถ’ติ วุตฺตาย วิญฺญาเปตพฺพ’’นฺติ วุตฺตํฯ ราชานนฺติ ปเสนทิโกสลราชานํฯ
Yasmā pavāritaṭṭhāne viññatti nāma na paṭisedhetabbā, tasmā bhagavā dhammanimantanavasena pavāritaṭṭhāne ‘‘vadethāyye, yenattho’’ti (sārattha. ṭī. pācittiya 3.784) vuttāya catukkaṃsaparamaṃ viññāpetabbanti paricchedaṃ dassetīti veditabbaṃ. Teneva ‘‘cetāpetabbanti ṭhapetvā sahadhammike ca ñātakappavārite ca aññena kismiñcideva guṇe parituṭṭhena ‘vadethāyye, yenattho’ti vuttāya viññāpetabba’’nti vuttaṃ. Rājānanti pasenadikosalarājānaṃ.
ครุปาวุรณสิกฺขาปทวณฺณนา นิฎฺฐิตาฯ
Garupāvuraṇasikkhāpadavaṇṇanā niṭṭhitā.
