| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౨. చీవరవగ్గో
2. Cīvaravaggo
౧౧. గరుపావురణసిక్ఖాపదవణ్ణనా
11. Garupāvuraṇasikkhāpadavaṇṇanā
యస్మా పవారితట్ఠానే విఞ్ఞత్తి నామ న పటిసేధేతబ్బా, తస్మా భగవా ధమ్మనిమన్తనవసేన పవారితట్ఠానే ‘‘వదేథాయ్యే, యేనత్థో’’తి (సారత్థ॰ టీ॰ పాచిత్తియ ౩.౭౮౪) వుత్తాయ చతుక్కంసపరమం విఞ్ఞాపేతబ్బన్తి పరిచ్ఛేదం దస్సేతీతి వేదితబ్బం. తేనేవ ‘‘చేతాపేతబ్బన్తి ఠపేత్వా సహధమ్మికే చ ఞాతకప్పవారితే చ అఞ్ఞేన కిస్మిఞ్చిదేవ గుణే పరితుట్ఠేన ‘వదేథాయ్యే, యేనత్థో’తి వుత్తాయ విఞ్ఞాపేతబ్బ’’న్తి వుత్తం. రాజానన్తి పసేనదికోసలరాజానం.
Yasmā pavāritaṭṭhāne viññatti nāma na paṭisedhetabbā, tasmā bhagavā dhammanimantanavasena pavāritaṭṭhāne ‘‘vadethāyye, yenattho’’ti (sārattha. ṭī. pācittiya 3.784) vuttāya catukkaṃsaparamaṃ viññāpetabbanti paricchedaṃ dassetīti veditabbaṃ. Teneva ‘‘cetāpetabbanti ṭhapetvā sahadhammike ca ñātakappavārite ca aññena kismiñcideva guṇe parituṭṭhena ‘vadethāyye, yenattho’ti vuttāya viññāpetabba’’nti vuttaṃ. Rājānanti pasenadikosalarājānaṃ.
గరుపావురణసిక్ఖాపదవణ్ణనా నిట్ఠితా.
Garupāvuraṇasikkhāpadavaṇṇanā niṭṭhitā.
