| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
२. चीवरवग्गो
2. Cīvaravaggo
११. गरुपावुरणसिक्खापदवण्णना
11. Garupāvuraṇasikkhāpadavaṇṇanā
यस्मा पवारितट्ठाने विञ्ञत्ति नाम न पटिसेधेतब्बा, तस्मा भगवा धम्मनिमन्तनवसेन पवारितट्ठाने ‘‘वदेथाय्ये, येनत्थो’’ति (सारत्थ॰ टी॰ पाचित्तिय ३.७८४) वुत्ताय चतुक्कंसपरमं विञ्ञापेतब्बन्ति परिच्छेदं दस्सेतीति वेदितब्बं। तेनेव ‘‘चेतापेतब्बन्ति ठपेत्वा सहधम्मिके च ञातकप्पवारिते च अञ्ञेन किस्मिञ्चिदेव गुणे परितुट्ठेन ‘वदेथाय्ये, येनत्थो’ति वुत्ताय विञ्ञापेतब्ब’’न्ति वुत्तं। राजानन्ति पसेनदिकोसलराजानं।
Yasmā pavāritaṭṭhāne viññatti nāma na paṭisedhetabbā, tasmā bhagavā dhammanimantanavasena pavāritaṭṭhāne ‘‘vadethāyye, yenattho’’ti (sārattha. ṭī. pācittiya 3.784) vuttāya catukkaṃsaparamaṃ viññāpetabbanti paricchedaṃ dassetīti veditabbaṃ. Teneva ‘‘cetāpetabbanti ṭhapetvā sahadhammike ca ñātakappavārite ca aññena kismiñcideva guṇe parituṭṭhena ‘vadethāyye, yenattho’ti vuttāya viññāpetabba’’nti vuttaṃ. Rājānanti pasenadikosalarājānaṃ.
गरुपावुरणसिक्खापदवण्णना निट्ठिता।
Garupāvuraṇasikkhāpadavaṇṇanā niṭṭhitā.
