| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๒. ครุกาปตฺตินิเทฺทโส
2. Garukāpattiniddeso
๑๐.
10.
โมเจตุกามจิเตฺตน, อุปกฺกมฺม วิโมจยํ;
Mocetukāmacittena, upakkamma vimocayaṃ;
สุกฺกมญฺญตฺร สุปินา, สมโณ ครุกํ ผุเสฯ
Sukkamaññatra supinā, samaṇo garukaṃ phuse.
๑๑.
11.
กายสํสคฺคราเคน , มนุสฺสิตฺถิํ ปรามสํ;
Kāyasaṃsaggarāgena , manussitthiṃ parāmasaṃ;
อิตฺถิสญฺญี อุปกฺกมฺม, สมโณ ครุกํ ผุเสฯ
Itthisaññī upakkamma, samaṇo garukaṃ phuse.
๑๒.
12.
ทุฎฺฐุลฺลวาจสฺสาเทน, มคฺคํ วารพฺภ เมถุนํ;
Duṭṭhullavācassādena, maggaṃ vārabbha methunaṃ;
โอภาสโนฺต มนุสฺสิตฺถิํ, สุณมานํ ครุํ ผุเสฯ
Obhāsanto manussitthiṃ, suṇamānaṃ garuṃ phuse.
๑๓.
13.
วณฺณํ วตฺวาตฺตโนกาม-ปาริจริยาย เมถุนํ;
Vaṇṇaṃ vatvāttanokāma-pāricariyāya methunaṃ;
อิตฺถิํ เมถุนราเคน, ยาจมาโน ครุํ ผุเสฯ
Itthiṃ methunarāgena, yācamāno garuṃ phuse.
๑๔.
14.
สเนฺทสํ ปฎิคฺคณฺหิตฺวา, ปุริสสฺสิตฺถิยาปิ วา;
Sandesaṃ paṭiggaṇhitvā, purisassitthiyāpi vā;
วีมํสิตฺวา หรํปจฺจา, สมโณ ครุกํ ผุเสฯ
Vīmaṃsitvā haraṃpaccā, samaṇo garukaṃ phuse.
๑๕.
15.
จาเวตุกาโม โจเทโนฺต, อมูลนฺติมวตฺถุนา;
Cāvetukāmo codento, amūlantimavatthunā;
โจทาปยํ วา สมโณ, สุณมานํ ครุํ ผุเสฯ
Codāpayaṃ vā samaṇo, suṇamānaṃ garuṃ phuse.
๑๖.
16.
เลสมตฺตํ อุปาทาย, อมูลนฺติมวตฺถุนา;
Lesamattaṃ upādāya, amūlantimavatthunā;
จาเวตุกาโม โจเทโนฺต, สุณมานํ ครุํ ผุเสติฯ
Cāvetukāmo codento, suṇamānaṃ garuṃ phuseti.
