| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
2. г̇аругаабад̇д̇инид̣̇д̣̇зсаван̣н̣анаа
2. Garukāpattiniddesavaṇṇanā
10. ид̣̇аани сан̇гхаад̣̇исзсам̣ багаасзд̇ум̣ ‘‘можзд̇угаамажид̇д̇знаа’’д̇иаад̣̇имаарад̣̇д̇хам̣. д̇ад̇т̇а можзд̇ум̣ гаамзд̇ийд̇и можзд̇угаамам̣, можзд̇угааман̃жа д̇ам̣ жид̇д̇ан̃жаад̇и можзд̇угаамажид̇д̇ам̣ , д̇зна, можанассаад̣̇ажид̇д̇знаад̇и ад̇т̇о. згаад̣̇асаннан̃хи рааг̇аанам̣ згзна можанассаад̣̇зна аабад̇д̇и ход̇ийд̇и вуд̇д̇ам̣ ход̇и.
10. Idāni saṅghādisesaṃ pakāsetuṃ ‘‘mocetukāmacittenā’’tiādimāraddhaṃ. Tattha mocetuṃ kāmetīti mocetukāmaṃ, mocetukāmañca taṃ cittañcāti mocetukāmacittaṃ, tena, mocanassādacittenāti attho. Ekādasannañhi rāgānaṃ ekena mocanassādena āpatti hotīti vuttaṃ hoti.
д̇ад̇римз згаад̣̇аса ассаад̣̇аа можанассаад̣̇о мужжанассаад̣̇о муд̇д̇ассаад̣̇о мзт̇унассаад̣̇о пассассаад̣̇о ган̣д̣ууванассаад̣̇о д̣̇ассанассаад̣̇о нисаж̇ж̇ассаад̣̇о ваажассаад̣̇о г̇зхасид̇абзмам̣ ванабхан̇г̇ияанд̇и. д̇ад̇т̇а можанассаад̣̇ажзд̇анааяа жзд̇знд̇о жзва ассаад̣̇знд̇о жа убаггамад̇и, мужжад̇и, сан̇гхаад̣̇исзсо , на мужжад̇и жз, т̇уллажжаяам̣. сажз бана саяанагаалз рааг̇абарияудтид̇о худ̇ваа уурунаа ваа мудтинаа ваа ан̇г̇аж̇аад̇ам̣ г̇аал̣хам̣ бийл̣зд̇ваа можанад̇т̇ааяа сауссаахо субад̇и, субанд̇асса жасса асужи мужжад̇и, сан̇гхаад̣̇исзсо. мужжанассаад̣̇з ад̇д̇ано д̇хаммад̇ааяа мужжамаанам̣ ассаад̣̇зд̇и, на убаггамад̇и, мужжад̇и, анаабад̇д̇и. муд̇д̇ассаад̣̇з ад̇д̇ано д̇хаммад̇ааяа муд̇д̇з таанаа жуд̇з асужимхи бажчаа ассаад̣̇знд̇асса винаа убаггамзна мужжад̇и, анаабад̇д̇и. мзт̇унассаад̣̇з мзт̇унарааг̇зна маад̇уг̇аамам̣ г̇ан̣хаад̇и, д̇зна асужи мужжад̇и, анаабад̇д̇и, д̣̇уггадам̣ бана аабаж̇ж̇ад̇и. пассассаад̣̇о д̣̇увид̇хо аж̇жхад̇д̇иго б̣аахиро жаад̇и. д̇ад̇т̇а ад̇д̇ано нимид̇д̇ам̣ ‘‘т̇ад̣̇д̇хам̣, муд̣̇уганд̇и ж̇ааниссаамий’’д̇и ваа лолабхаавзна ваа гийл̣аабаяад̇о асужи мужжад̇и, анаабад̇д̇и. б̣аахирапассассаад̣̇з бана гааяасам̣саг̇г̇арааг̇зна ид̇т̇им̣ пусад̇о, аалин̇г̇ад̇о жа асужи мужжад̇и, анаабад̇д̇и, гааяасам̣саг̇г̇асан̇гхаад̣̇исзсам̣ бана аабаж̇ж̇ад̇и.
Tatrime ekādasa assādā mocanassādo muccanassādo muttassādo methunassādo phassassādo kaṇḍūvanassādo dassanassādo nisajjassādo vācassādo gehasitapemaṃ vanabhaṅgiyanti. Tattha mocanassādacetanāya cetento ceva assādento ca upakkamati, muccati, saṅghādiseso , na muccati ce, thullaccayaṃ. Sace pana sayanakāle rāgapariyuṭṭhito hutvā ūrunā vā muṭṭhinā vā aṅgajātaṃ gāḷhaṃ pīḷetvā mocanatthāya saussāho supati, supantassa cassa asuci muccati, saṅghādiseso. Muccanassāde attano dhammatāya muccamānaṃ assādeti, na upakkamati, muccati, anāpatti. Muttassāde attano dhammatāya mutte ṭhānā cute asucimhi pacchā assādentassa vinā upakkamena muccati, anāpatti. Methunassāde methunarāgena mātugāmaṃ gaṇhāti, tena asuci muccati, anāpatti, dukkaṭaṃ pana āpajjati. Phassassādo duvidho ajjhattiko bāhiro cāti. Tattha attano nimittaṃ ‘‘thaddhaṃ, mudukanti jānissāmī’’ti vā lolabhāvena vā kīḷāpayato asuci muccati, anāpatti. Bāhiraphassassāde pana kāyasaṃsaggarāgena itthiṃ phusato, āliṅgato ca asuci muccati, anāpatti, kāyasaṃsaggasaṅghādisesaṃ pana āpajjati.
ган̣д̣ууванассаад̣̇з д̣̇ад̣̇д̣̇угажчубил̣агабаан̣агаад̣̇ийнам̣ ан̃н̃ад̇арзна каж̇ж̇амаанам̣ нимид̇д̇ам̣ ган̣д̣ууванассаад̣̇зна ган̣д̣уувад̇о асужи мужжад̇и, анаабад̇д̇и. д̣̇ассанассаад̣̇з ид̇т̇ияаа аногаасам̣ убаниж̇жхааяад̇о асужи мужжад̇и, анаабад̇д̇и, д̣̇уггадам̣ бана ход̇и. нисаж̇ж̇ассаад̣̇з маад̇уг̇аамзна сад̣̇д̇хим̣ рахо нисиннасса муд̇д̇зби анаабад̇д̇и , рахонисаж̇ж̇аабад̇д̇и бана ход̇и. ваажассаад̣̇з маад̇уг̇аамам̣ мзт̇унаббадисам̣яуд̇д̇аахи ваажаахи обхаасанд̇асса муд̇д̇зби анаабад̇д̇и, д̣̇удтуллаваажаасан̇гхаад̣̇исзсам̣ бана аабаж̇ж̇ад̇и. г̇зхасид̇абзмз маад̇аад̣̇ийнам̣ маад̇аад̣̇ибзмзна аалин̇г̇анаад̣̇им̣ гаронд̇асса муд̇д̇зби анаабад̇д̇и. ванабхан̇г̇ам̣ сант̇авагаран̣ад̇т̇ааяа ид̇т̇ияаа бзсид̇абубпаад̣̇иванабхан̇г̇асан̃н̃ид̇ам̣ бан̣н̣аагаарам̣ ‘‘ид̇т̇аннаамааяа имам̣ бзсид̇а’’нд̇и ассаад̣̇зна аамасанд̇асса муд̇д̇зби анаабад̇д̇ийд̇и. звамзд̇зсу можанассаад̣̇зна аабад̇д̇и ход̇ийд̇и д̣̇ассзд̇ум̣ ‘‘можзд̇у…бз… наа’’д̇и вуд̇д̇ам̣. ат̇а ваа можзд̇угаамам̣ жид̇д̇ам̣ яасса сояам̣ можзд̇угаамажид̇д̇о, д̇зна, ид̇т̇амбхууд̇з гаран̣аважанам̣, можзд̇угаамажид̇д̇о худ̇ваад̇и ад̇т̇о.
Kaṇḍūvanassāde daddukacchupiḷakapāṇakādīnaṃ aññatarena khajjamānaṃ nimittaṃ kaṇḍūvanassādena kaṇḍūvato asuci muccati, anāpatti. Dassanassāde itthiyā anokāsaṃ upanijjhāyato asuci muccati, anāpatti, dukkaṭaṃ pana hoti. Nisajjassāde mātugāmena saddhiṃ raho nisinnassa muttepi anāpatti , rahonisajjāpatti pana hoti. Vācassāde mātugāmaṃ methunappaṭisaṃyuttāhi vācāhi obhāsantassa muttepi anāpatti, duṭṭhullavācāsaṅghādisesaṃ pana āpajjati. Gehasitapeme mātādīnaṃ mātādipemena āliṅganādiṃ karontassa muttepi anāpatti. Vanabhaṅgaṃ santhavakaraṇatthāya itthiyā pesitapupphādivanabhaṅgasaññitaṃ paṇṇākāraṃ ‘‘itthannāmāya imaṃ pesita’’nti assādena āmasantassa muttepi anāpattīti. Evametesu mocanassādena āpatti hotīti dassetuṃ ‘‘mocetu…pe… nā’’ti vuttaṃ. Atha vā mocetukāmaṃ cittaṃ yassa soyaṃ mocetukāmacitto, tena, itthambhūte karaṇavacanaṃ, mocetukāmacitto hutvāti attho.
убаггаммаад̇и хад̇т̇аад̣̇ийсу язна гзнажи нимид̇д̇з убаггамид̇ваад̇и ад̇т̇о. виможаяанд̇и яам̣ анд̇амасо згаа куд̣̇д̣̇агамагкигаа бивзяяа, д̇ад̇д̇агамби виможзнд̇од̇и ад̇т̇о. сугганд̇и нийлабийд̇алохид̇од̣̇аад̇ад̇аггад̇злад̣̇агакийрад̣̇ад̇хисаббиван̣н̣асан̇каад̇зсу д̣̇асавид̇хзсу суггзсу яам̣ гин̃жи суггам̣. ан̃н̃ад̇ра субинаад̇и яаа субинанд̇з суггависсадти ход̇и, д̇ам̣ табзд̇ваад̇и ад̇т̇о. саман̣од̇и яо гожи убасамбанно. г̇аруганд̇и сан̇гхаад̣̇исзсам̣. пусзд̇и аабаж̇ж̇зяяаад̇и ад̇т̇о. жзд̇анаа убаггамо мужжананд̇и имаанзд̇т̇а д̇ийн̣и ан̇г̇аанийд̇и. суггависсадтисигкаабад̣̇ам̣.
Upakkammāti hatthādīsu yena kenaci nimitte upakkamitvāti attho. Vimocayanti yaṃ antamaso ekā khuddakamakkhikā piveyya, tattakampi vimocentoti attho. Sukkanti nīlapītalohitodātatakkateladakakhīradadhisappivaṇṇasaṅkhātesu dasavidhesu sukkesu yaṃ kiñci sukkaṃ. Aññatra supināti yā supinante sukkavissaṭṭhi hoti, taṃ ṭhapetvāti attho. Samaṇoti yo koci upasampanno. Garukanti saṅghādisesaṃ. Phuseti āpajjeyyāti attho. Cetanā upakkamo muccananti imānettha tīṇi aṅgānīti. Sukkavissaṭṭhisikkhāpadaṃ.
11. ид̣̇аани гааяасам̣саг̇г̇ам̣ д̣̇ассзд̇ум̣ ‘‘гааяасам̣саг̇г̇арааг̇знаа’’д̇иаад̣̇имаарад̣̇д̇хам̣. бхигку мануссид̇т̇ияаа мануссид̇т̇исан̃н̃ий худ̇ваа гааяасам̣саг̇г̇арааг̇зна убаггамид̇ваа мануссид̇т̇им̣ бараамасанд̇о сан̇гхаад̣̇исзсам̣ аабаж̇ж̇зяяаад̇и яож̇анаа. д̇ад̇т̇а гааяасам̣саг̇г̇арааг̇знаад̇и хад̇т̇аг̇г̇ахан̣аад̣̇игааяасампассзна рааг̇зна гааяамиссарааг̇зна. мануссид̇т̇инд̇и д̇ад̣̇ахуж̇аад̇амби ж̇ийвамаанагамануссид̇т̇им̣. бараамасанд̇и бараамасанд̇о, ид̇т̇ийд̇и сан̃н̃аа ид̇т̇исан̃н̃аа , саа асса ад̇т̇ийд̇и ид̇т̇исан̃н̃ий, ид̇т̇исан̃н̃ий худ̇ваад̇и ад̇т̇о. мануссид̇т̇ий, ид̇т̇исан̃н̃ид̇аа, гааяасам̣саг̇г̇арааг̇о, д̇зна рааг̇зна вааяаамо, хад̇т̇аг̇г̇аахаад̣̇исамаабаж̇ж̇ананд̇и имаанзд̇т̇а бан̃жа ан̇г̇аани. гааяасам̣саг̇г̇асигкаабад̣̇ам̣.
11. Idāni kāyasaṃsaggaṃ dassetuṃ ‘‘kāyasaṃsaggarāgenā’’tiādimāraddhaṃ. Bhikkhu manussitthiyā manussitthisaññī hutvā kāyasaṃsaggarāgena upakkamitvā manussitthiṃ parāmasanto saṅghādisesaṃ āpajjeyyāti yojanā. Tattha kāyasaṃsaggarāgenāti hatthaggahaṇādikāyasamphassena rāgena kāyamissarāgena. Manussitthinti tadahujātampi jīvamānakamanussitthiṃ. Parāmasanti parāmasanto, itthīti saññā itthisaññā , sā assa atthīti itthisaññī, itthisaññī hutvāti attho. Manussitthī, itthisaññitā, kāyasaṃsaggarāgo, tena rāgena vāyāmo, hatthaggāhādisamāpajjananti imānettha pañca aṅgāni. Kāyasaṃsaggasikkhāpadaṃ.
12. ид̣̇аани д̣̇удтуллам̣ д̣̇ассзд̇ум̣ ‘‘д̣̇удтуллаваажассаад̣̇знаа’’д̇иаад̣̇и аарад̣̇д̇хам̣. д̇ад̇т̇а д̣̇удтуллаваажассаад̣̇знаад̇и важжамаг̇г̇абассаавамаг̇г̇амзт̇унад̇хаммаббадисам̣яуд̇д̇аваажассаад̣̇арааг̇зна. маг̇г̇ам̣ ваараб̣бха мзт̇унанд̇и важжамаг̇г̇абассаавамаг̇г̇аанам̣ ан̃н̃ад̇арам̣ маг̇г̇ам̣ ваа мзт̇унам̣ ваа аараб̣бхаад̇и ад̇т̇о. обхаасанд̇од̇и авабхаасанд̇о. мануссид̇т̇инд̇и вин̃н̃ум̣ бадиб̣алам̣ субхаасид̇ад̣̇уб̣бхаасид̇ам̣ д̣̇удтуллаад̣̇удтуллам̣ саллагкан̣асамад̇т̇ам̣ мануссид̇т̇им̣. сун̣амаананд̇и сун̣анд̇им̣. иминаа бадиб̣алааяаби ид̇т̇ияаа авин̃н̃ад̇д̇ибат̇з тид̇ааяа д̣̇ууд̇зна ваа бан̣н̣зна ваа аарожзнд̇асса д̣̇удтуллаваажаабад̇д̇и на ход̇ийд̇и д̣̇ийбид̇ам̣ ход̇и. мануссид̇т̇ий, ид̇т̇исан̃н̃ид̇аа, д̣̇удтуллаваажассаад̣̇арааг̇о, д̇зна рааг̇зна обхаасанам̣, д̇ан̇кан̣авиж̇аанананд̇и имаанзд̇т̇а бан̃жа ан̇г̇аани. д̣̇удтуллаваажассаад̣̇асигкаабад̣̇ам̣.
12. Idāni duṭṭhullaṃ dassetuṃ ‘‘duṭṭhullavācassādenā’’tiādi āraddhaṃ. Tattha duṭṭhullavācassādenāti vaccamaggapassāvamaggamethunadhammappaṭisaṃyuttavācassādarāgena. Maggaṃ vārabbha methunanti vaccamaggapassāvamaggānaṃ aññataraṃ maggaṃ vā methunaṃ vā ārabbhāti attho. Obhāsantoti avabhāsanto. Manussitthinti viññuṃ paṭibalaṃ subhāsitadubbhāsitaṃ duṭṭhullāduṭṭhullaṃ sallakkhaṇasamatthaṃ manussitthiṃ. Suṇamānanti suṇantiṃ. Iminā paṭibalāyapi itthiyā aviññattipathe ṭhitāya dūtena vā paṇṇena vā ārocentassa duṭṭhullavācāpatti na hotīti dīpitaṃ hoti. Manussitthī, itthisaññitā, duṭṭhullavācassādarāgo, tena rāgena obhāsanaṃ, taṅkhaṇavijānananti imānettha pañca aṅgāni. Duṭṭhullavācassādasikkhāpadaṃ.
13. ид̣̇аани ад̇д̇агаамабаарижарияам̣ д̣̇ассзд̇ум̣ ‘‘ван̣н̣а’’нд̇яаад̣̇и вуд̇д̇ам̣. д̇ад̇т̇а яо бхигку ад̇д̇ано гаамабаарижарияааяа ван̣н̣ам̣ вад̇ваа мзт̇унарааг̇зна ид̇т̇им̣ мзт̇унам̣ яаажамаано г̇арум̣ пусзд̇и самб̣анд̇хо. ван̣н̣ам̣ вад̇ваад̇и г̇ун̣ам̣ аанисам̣сам̣ багаасзд̇ваа. ад̇д̇аногаамабаарижарияааяаад̇и мзт̇унад̇хаммасан̇каад̇зна гаамзна баарижарияаа гаамабаарижарияаа, ад̇д̇ано ад̇т̇ааяа гаамабаарижарияаа ад̇д̇аногаамабаарижарияаа, алуд̇д̇асамаасояам̣. ат̇а ваа ад̇д̇анод̇и гад̇вад̇т̇з саамиважанам̣, ад̇д̇ано гаамид̇аа ижчид̇аад̇и ад̇д̇аногаамаа, саяам̣ мзт̇унарааг̇авасзна бад̇т̇ид̇аад̇и ад̇т̇о, ад̇д̇аногаамаа жа саа баарижарияаа жаад̇и ад̇д̇аногаамабаарижарияаа , д̇ааяа ад̇д̇аногаамабаарижарияааяа, ‘‘зд̇ад̣̇аг̇г̇ам̣, бхаг̇ини, баарижарияаанам̣, яаа маад̣̇исам̣ сийлаванд̇ам̣ галяаан̣ад̇хаммам̣ б̣рахмажаарим̣ зд̇зна д̇хаммзна барижарзяяаа’’д̇и звам̣ ван̣н̣ам̣ вад̇ваад̇и ад̇т̇о. яаажад̇хаад̇уно д̣̇вигаммигад̇д̇аа ‘‘ид̇т̇им̣ мзт̇унам̣ яаажамаано’’д̇и вуд̇д̇ам̣. д̇ад̇т̇а ид̇т̇инд̇и д̣̇удтуллобхаасанз вуд̇д̇аббагаарам̣ ид̇т̇им̣. мануссид̇т̇ий, ид̇т̇исан̃н̃ид̇аа , ад̇д̇агаамабаарижарияааяа рааг̇о, д̇зна рааг̇зна ван̣н̣абхан̣анам̣, д̇ан̇кан̣авиж̇аанананд̇и имаанзд̇т̇а бан̃жа ан̇г̇аани. ад̇д̇агаамабаарижарияасигкаабад̣̇ам̣.
13. Idāni attakāmapāricariyaṃ dassetuṃ ‘‘vaṇṇa’’ntyādi vuttaṃ. Tattha yo bhikkhu attano kāmapāricariyāya vaṇṇaṃ vatvā methunarāgena itthiṃ methunaṃ yācamāno garuṃ phuseti sambandho. Vaṇṇaṃ vatvāti guṇaṃ ānisaṃsaṃ pakāsetvā. Attanokāmapāricariyāyāti methunadhammasaṅkhātena kāmena pāricariyā kāmapāricariyā, attano atthāya kāmapāricariyā attanokāmapāricariyā, aluttasamāsoyaṃ. Atha vā attanoti katvatthe sāmivacanaṃ, attano kāmitā icchitāti attanokāmā, sayaṃ methunarāgavasena patthitāti attho, attanokāmā ca sā pāricariyā cāti attanokāmapāricariyā , tāya attanokāmapāricariyāya, ‘‘etadaggaṃ, bhagini, pāricariyānaṃ, yā mādisaṃ sīlavantaṃ kalyāṇadhammaṃ brahmacāriṃ etena dhammena paricareyyā’’ti evaṃ vaṇṇaṃ vatvāti attho. Yācadhātuno dvikammikattā ‘‘itthiṃ methunaṃ yācamāno’’ti vuttaṃ. Tattha itthinti duṭṭhullobhāsane vuttappakāraṃ itthiṃ. Manussitthī, itthisaññitā , attakāmapāricariyāya rāgo, tena rāgena vaṇṇabhaṇanaṃ, taṅkhaṇavijānananti imānettha pañca aṅgāni. Attakāmapāricariyasikkhāpadaṃ.
14. ид̣̇аани сан̃жарид̇д̇ам̣ д̣̇ассзд̇ум̣ ‘‘санд̣̇зса’’нд̇яаад̣̇имаарад̣̇д̇хам̣. д̇ад̇т̇а бхигку бурисасса ваа санд̣̇зсам̣, ид̇т̇ияаа ваа санд̣̇зсам̣ бадиг̇г̇ахзд̇ваа виймам̣сид̇ваа бажжаахаранд̇о г̇аругам̣ пусзд̇и самб̣анд̇хо. д̇ад̇т̇а санд̣̇зсанд̇и ‘‘г̇ажча, бханд̇з, ид̇т̇аннаамам̣ маад̇урагкид̇ам̣ б̣руухи ‘хохи гира ид̇т̇аннаамасса бхарияаа д̇ханаггийд̇аа’’д̇и (баараа. 305) звам̣ вуд̇д̇ам̣ бурисасса саасанам̣, ‘‘г̇ажча, бханд̇з, ид̇т̇аннаамам̣ бурисам̣ б̣руухи ‘ахам̣ д̇асса бхарияаа бхависсаамий’’д̇и (баараа. 326-327 т̇огам̣ висад̣̇исам̣) звам̣ вуд̇д̇ам̣ ид̇т̇ияаа саасанам̣. бадиг̇г̇ан̣хид̇ваад̇и ‘‘саад̇ху убаасагаа’’д̇и ваа ‘‘ход̇уу’’д̇и ваа ‘‘аарожзссаамий’’д̇и ваа язна гзнажи аагаарзна важийбхзд̣̇ам̣ гад̇ваа ваа сийсагамбанаад̣̇ийхи ваа бадиг̇г̇ан̣хид̇ваа самбадижчид̇ваад̇и ад̇т̇о. виймам̣сид̇ваад̇и вуд̇д̇аббагаарзна саасанам̣ г̇ахзд̇ваа бурисасса ваа ид̇т̇ияаа ваа д̇зсам̣ авассаарожанагаанам̣ маад̇аабид̇аабхаад̇аабхаг̇иниаад̣̇ийнам̣ ваа аарожзд̇ваад̇и ад̇т̇о. харам̣бажжаад̇и зд̇т̇а ‘‘бажжаахара’’нд̇и вад̇д̇аб̣б̣з чанд̣̇ахаанибхаяаа хара-сад̣̇д̣̇ам̣ буб̣б̣анибаад̇ам̣ гад̇ваа вуд̇д̇анд̇и д̣̇адтаб̣б̣ам̣. яад̇т̇а бахид̇зна д̇ад̇т̇а г̇анд̇ваа д̇зна аарожид̇аа саа ид̇т̇ий ‘‘саад̇хуу’’д̇и самбадижчад̇у ваа бадигкибад̇у ваа лаж̇ж̇ааяа ваа д̇ун̣хий ход̇у, буна ааг̇анд̇ваа д̇асса бурисасса харанд̇о зд̇д̇аавад̇аа имааяа бадиг̇г̇ахан̣аарожанаббажжаахаран̣асан̇каад̇ааяа д̇иван̇г̇асамбад̇д̇ияаа со бхигку сан̇гхаад̣̇исзсам̣ аабаж̇ж̇зяяаад̇и ад̇т̇о. д̇зсам̣ мануссаж̇аад̇игад̇аа, алам̣важанийяад̇аа, бадиг̇г̇ан̣ханавиймам̣санаббажжаахаран̣аанийд̇и имаанзд̇т̇а бан̃жа ан̇г̇аани. сан̃жарид̇д̇асигкаабад̣̇ам̣.
14. Idāni sañcarittaṃ dassetuṃ ‘‘sandesa’’ntyādimāraddhaṃ. Tattha bhikkhu purisassa vā sandesaṃ, itthiyā vā sandesaṃ paṭiggahetvā vīmaṃsitvā paccāharanto garukaṃ phuseti sambandho. Tattha sandesanti ‘‘gaccha, bhante, itthannāmaṃ māturakkhitaṃ brūhi ‘hohi kira itthannāmassa bhariyā dhanakkītā’’ti (pārā. 305) evaṃ vuttaṃ purisassa sāsanaṃ, ‘‘gaccha, bhante, itthannāmaṃ purisaṃ brūhi ‘ahaṃ tassa bhariyā bhavissāmī’’ti (pārā. 326-327 thokaṃ visadisaṃ) evaṃ vuttaṃ itthiyā sāsanaṃ. Paṭiggaṇhitvāti ‘‘sādhu upāsakā’’ti vā ‘‘hotū’’ti vā ‘‘ārocessāmī’’ti vā yena kenaci ākārena vacībhedaṃ katvā vā sīsakampanādīhi vā paṭiggaṇhitvā sampaṭicchitvāti attho. Vīmaṃsitvāti vuttappakārena sāsanaṃ gahetvā purisassa vā itthiyā vā tesaṃ avassārocanakānaṃ mātāpitābhātābhaginiādīnaṃ vā ārocetvāti attho. Haraṃpaccāti ettha ‘‘paccāhara’’nti vattabbe chandahānibhayā hara-saddaṃ pubbanipātaṃ katvā vuttanti daṭṭhabbaṃ. Yattha pahitena tattha gantvā tena ārocitā sā itthī ‘‘sādhū’’ti sampaṭicchatu vā paṭikkhipatu vā lajjāya vā tuṇhī hotu, puna āgantvā tassa purisassa haranto ettāvatā imāya paṭiggahaṇārocanappaccāharaṇasaṅkhātāya tivaṅgasampattiyā so bhikkhu saṅghādisesaṃ āpajjeyyāti attho. Tesaṃ manussajātikatā, alaṃvacanīyatā, paṭiggaṇhanavīmaṃsanappaccāharaṇānīti imānettha pañca aṅgāni. Sañcarittasikkhāpadaṃ.
15. ид̣̇аани амуулагам̣ багаасзд̇ум̣ ‘‘жаавзд̇угаамо’’д̇иаад̣̇имаарад̣̇д̇хам̣. жаавзд̇угаамо бхигку амууланд̇имавад̇т̇унаа ан̃н̃ам̣ сун̣амаанам̣ бхигкум̣ жод̣̇знд̇о ваа жод̣̇аабзнд̇о ваа г̇арум̣ пусзд̇и самб̣анд̇хо. д̇ад̇т̇а жаавзд̇угаамод̇и б̣рахмажарияаа жаавзд̇угаамо. жод̣̇знд̇од̇и ‘‘д̇вам̣ баарааж̇игам̣ д̇хаммам̣ аабанноси, ассаман̣оси, асагяабуд̇д̇ияосий’’д̇иаад̣̇ийхи важанзхи саяам̣ жод̣̇знд̇од̇и ад̇т̇о. звам̣ жод̣̇знд̇асса ваажааяа ваажааяа сан̇гхаад̣̇исзсо. амууланд̇имавад̇т̇унаад̇и яам̣ жод̣̇агзна жуд̣̇ид̇агамхи буг̇г̇алз ад̣̇идтам̣ асуд̇ам̣ абарисан̇гид̇ам̣, ид̣̇ам̣ зд̇зсам̣ д̣̇ассанасаванабарисан̇гид̇асан̇каад̇аанам̣ муулаанам̣ абхаавад̇о наасса мууланд̇и амуулам̣, анд̇имам̣ вад̇т̇у яасса баарааж̇игасса д̇ад̣̇ид̣̇ам̣ анд̇имавад̇т̇у, амуулан̃жа д̇ам̣ анд̇имавад̇т̇у жзд̇и амууланд̇имавад̇т̇у, д̇зна амууланд̇имавад̇т̇унаа, бхигкуно ануруубзсу згуунавийсад̇ияаа баарааж̇игзсу ан̃н̃ад̇арзнаад̇и ад̇т̇о. жод̣̇аабаяанд̇и жод̣̇аабаяанд̇о, д̇асса самийбз тад̇ваа ан̃н̃ам̣ бхигкум̣ аан̣аабзд̇ваа жод̣̇аабзнд̇о д̇асса аан̣ад̇д̇асса ваажааяа ваажааяа г̇арум̣ пусзд̇и ад̇т̇о. сун̣амаананд̇и иминаа бараммукаа д̣̇ууд̇зна ваа бан̣н̣зна ваа жод̣̇знд̇асса на рухад̇ийд̇и д̣̇ийбид̇ам̣ ход̇и. бараммукаа бана сад̇д̇ахи аабад̇д̇игканд̇хзхи вад̣̇анд̇асса д̣̇уггадам̣. яам̣ жод̣̇зд̇и, д̇асса убасамбаннод̇и сан̇кяуубаг̇аманам̣, д̇асмим̣ суд̣̇д̇хасан̃н̃ид̇аа, язна баарааж̇игзна жод̣̇зд̇и, д̇асса д̣̇идтаад̣̇ивасзна амуулагад̇аа, жааванаад̇хиббааязна саммукаа жод̣̇анаа, д̇асса д̇ан̇кан̣авиж̇аанананд̇и имаанзд̇т̇а бан̃жа ан̇г̇аани. амуулагасигкаабад̣̇ам̣.
15. Idāni amūlakaṃ pakāsetuṃ ‘‘cāvetukāmo’’tiādimāraddhaṃ. Cāvetukāmo bhikkhu amūlantimavatthunā aññaṃ suṇamānaṃ bhikkhuṃ codento vā codāpento vā garuṃ phuseti sambandho. Tattha cāvetukāmoti brahmacariyā cāvetukāmo. Codentoti ‘‘tvaṃ pārājikaṃ dhammaṃ āpannosi, assamaṇosi, asakyaputtiyosī’’tiādīhi vacanehi sayaṃ codentoti attho. Evaṃ codentassa vācāya vācāya saṅghādiseso. Amūlantimavatthunāti yaṃ codakena cuditakamhi puggale adiṭṭhaṃ asutaṃ aparisaṅkitaṃ, idaṃ etesaṃ dassanasavanaparisaṅkitasaṅkhātānaṃ mūlānaṃ abhāvato nāssa mūlanti amūlaṃ, antimaṃ vatthu yassa pārājikassa tadidaṃ antimavatthu, amūlañca taṃ antimavatthu ceti amūlantimavatthu, tena amūlantimavatthunā, bhikkhuno anurūpesu ekūnavīsatiyā pārājikesu aññatarenāti attho. Codāpayanti codāpayanto, tassa samīpe ṭhatvā aññaṃ bhikkhuṃ āṇāpetvā codāpento tassa āṇattassa vācāya vācāya garuṃ phuseti attho. Suṇamānanti iminā parammukhā dūtena vā paṇṇena vā codentassa na ruhatīti dīpitaṃ hoti. Parammukhā pana sattahi āpattikkhandhehi vadantassa dukkaṭaṃ. Yaṃ codeti, tassa upasampannoti saṅkhyūpagamanaṃ, tasmiṃ suddhasaññitā, yena pārājikena codeti, tassa diṭṭhādivasena amūlakatā, cāvanādhippāyena sammukhā codanā, tassa taṅkhaṇavijānananti imānettha pañca aṅgāni. Amūlakasikkhāpadaṃ.
16. ид̣̇аани ан̃н̃абхааг̇ияам̣ д̣̇ассзд̇ум̣ ‘‘лзсамад̇д̇а’’нд̇иаад̣̇имааха. д̇ад̇т̇а лзсамад̇д̇амубаад̣̇ааяаад̇и ж̇аад̇инаамаг̇од̇д̇алин̇г̇аабад̇д̇ибад̇д̇ажийваруубаж̇жхааяаажарияасзнаасаналзсасан̇каад̇зсу д̣̇асасу лзсзсу яо д̇асмим̣ буг̇г̇алз д̣̇иссад̇и, д̇ам̣ лзсамад̇д̇ам̣ убаад̣̇ааяа ниссааяа бхигкум̣ б̣рахмажарияаа жаавзд̇угаамо амууланд̇имавад̇т̇унаа сун̣амаанам̣ бхигкум̣ жод̣̇знд̇о г̇арум̣ пусзд̇и ад̇т̇о. гат̇ам̣? ан̃н̃о кад̇д̇ияаж̇аад̇иго иминаа жод̣̇агзна баарааж̇игам̣ д̇хаммам̣ аж̇жхаабаж̇ж̇анд̇о д̣̇идто ход̇и, со ан̃н̃ам̣ ад̇д̇ано взрим̣ кад̇д̇ияаж̇аад̇игам̣ бхигкум̣ бассид̇ваа д̇ам̣ кад̇д̇ияаж̇аад̇илзсам̣ г̇ахзд̇ваа звам̣ ‘‘кад̇д̇ияо маяаа д̣̇идто баарааж̇игам̣ д̇хаммам̣ аж̇жхаабаж̇ж̇анд̇о, д̇вам̣ кад̇д̇ияо баарааж̇игам̣ д̇хаммам̣ аабанносий’’д̇и ваа ‘‘д̇вам̣ со кад̇д̇ияо, наан̃н̃о, баарааж̇игам̣ д̇хаммам̣ аж̇жхаабанносий’’д̇и ваа жод̣̇зд̇и, звам̣ наамалзсаад̣̇аяоби взд̣̇ид̇аб̣б̣аа. ан̇г̇аани банзд̇т̇а ананд̇арасад̣̇исаани. ан̃н̃абхааг̇ияасигкаабад̣̇ам̣.
16. Idāni aññabhāgiyaṃ dassetuṃ ‘‘lesamatta’’ntiādimāha. Tattha lesamattamupādāyāti jātināmagottaliṅgāpattipattacīvarūpajjhāyācariyasenāsanalesasaṅkhātesu dasasu lesesu yo tasmiṃ puggale dissati, taṃ lesamattaṃ upādāya nissāya bhikkhuṃ brahmacariyā cāvetukāmo amūlantimavatthunā suṇamānaṃ bhikkhuṃ codento garuṃ phuseti attho. Kathaṃ? Añño khattiyajātiko iminā codakena pārājikaṃ dhammaṃ ajjhāpajjanto diṭṭho hoti, so aññaṃ attano veriṃ khattiyajātikaṃ bhikkhuṃ passitvā taṃ khattiyajātilesaṃ gahetvā evaṃ ‘‘khattiyo mayā diṭṭho pārājikaṃ dhammaṃ ajjhāpajjanto, tvaṃ khattiyo pārājikaṃ dhammaṃ āpannosī’’ti vā ‘‘tvaṃ so khattiyo, nāñño, pārājikaṃ dhammaṃ ajjhāpannosī’’ti vā codeti, evaṃ nāmalesādayopi veditabbā. Aṅgāni panettha anantarasadisāni. Aññabhāgiyasikkhāpadaṃ.
г̇аругаабад̇д̇инид̣̇д̣̇зсаван̣н̣анаа нидтид̇аа.
Garukāpattiniddesavaṇṇanā niṭṭhitā.
