| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. คณฺฐิปุปฺผิยเตฺถรอปทานํ
9. Gaṇṭhipupphiyattheraapadānaṃ
๙๑.
91.
‘‘สุวณฺณวโณฺณ สมฺพุโทฺธ, วิปสฺสี ทกฺขิณารโห;
‘‘Suvaṇṇavaṇṇo sambuddho, vipassī dakkhiṇāraho;
ปุรกฺขโต สาวเกหิ, อารามา อภินิกฺขมิฯ
Purakkhato sāvakehi, ārāmā abhinikkhami.
๙๒.
92.
‘‘ทิสฺวานหํ พุทฺธเสฎฺฐํ, สพฺพญฺญุํ ตมนาสกํ;
‘‘Disvānahaṃ buddhaseṭṭhaṃ, sabbaññuṃ tamanāsakaṃ;
๙๓.
93.
‘‘เตน จิตฺตปฺปสาเทน, ทฺวิปทินฺทสฺส ตาทิโน;
‘‘Tena cittappasādena, dvipadindassa tādino;
หโฎฺฐ หเฎฺฐน จิเตฺตน, ปุน วนฺทิํ ตถาคตํฯ
Haṭṭho haṭṭhena cittena, puna vandiṃ tathāgataṃ.
๙๔.
94.
‘‘เอกนวุติโต กเปฺป, ยํ ปุปฺผมภิโรปยิํ;
‘‘Ekanavutito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๙๕.
95.
‘‘เอกตาลีสิโต กเปฺป, จรโณ นาม ขตฺติโย;
‘‘Ekatālīsito kappe, caraṇo nāma khattiyo;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๙๖.
96.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา คณฺฐิปุปฺผิโย 3 เถโร อิมา คาถาโย อภาสิตฺถาติฯ
Itthaṃ sudaṃ āyasmā gaṇṭhipupphiyo 4 thero imā gāthāyo abhāsitthāti.
คณฺฐิปุปฺผิยเตฺถรสฺสาปทานํ นวมํฯ
Gaṇṭhipupphiyattherassāpadānaṃ navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๙. คณฺฐิปุปฺผิยเตฺถรอปทานวณฺณนา • 9. Gaṇṭhipupphiyattheraapadānavaṇṇanā
