| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਯਮਕਪਕਰਣ-ਮੂਲਟੀਕਾ
Yamakapakaraṇa-mūlaṭīkā
ਗਨ੍ਥਾਰਮ੍ਭવਣ੍ਣਨਾ
Ganthārambhavaṇṇanā
ਕਥਾવਤ੍ਥੁਪਕਰਣੇਨ ਸਙ੍ਖੇਪੇਨੇવ ਦੇਸਿਤੇਨ ਧਮ੍ਮੇਸੁ વਿਪਰੀਤਗ੍ਗਹਣਂ ਨਿવਾਰੇਤ੍વਾ ਤੇਸ੍વੇવ ਧਮ੍ਮੇਸੁ ਧਮ੍ਮਸਙ੍ਗਹਾਦੀਸੁ ਪਕਾਸਿਤੇਸੁ ਧਮ੍ਮਪੁਗ੍ਗਲੋਕਾਸਾਦਿਨਿਸ੍ਸਯਾਨਂ ਸਨ੍ਨਿਟ੍ਠਾਨਸਂਸਯਾਨਂ વਸੇਨ ਨਾਨਪ੍ਪਕਾਰਕਓਸਲ੍ਲਤ੍ਥਂ ਯਮਕਪਕਰਣਂ ਆਰਦ੍ਧਂ, ਤਂ ਸਮਯਦੇਸਦੇਸਕવਸੇਨੇવ ਦਸ੍ਸੇਤ੍વਾ ਸਂવਣ੍ਣਨਾਕ੍ਕਮਞ੍ਚਸ੍ਸ ਅਨੁਪ੍ਪਤ੍ਤਂ ‘‘ਆਗਤੋ ਭਾਰੋ ਅવਸ੍ਸਂ વਹਿਤਬ੍ਬੋ’’ਤਿ ਸਂવਣ੍ਣਨਮਸ੍ਸ ਪਟਿਜਾਨਨ੍ਤੋ ਆਹ ‘‘ਸਙ੍ਖੇਪੇਨੇવਾ’’ਤਿਆਦਿ।
Kathāvatthupakaraṇena saṅkhepeneva desitena dhammesu viparītaggahaṇaṃ nivāretvā tesveva dhammesu dhammasaṅgahādīsu pakāsitesu dhammapuggalokāsādinissayānaṃ sanniṭṭhānasaṃsayānaṃ vasena nānappakārakaosallatthaṃ yamakapakaraṇaṃ āraddhaṃ, taṃ samayadesadesakavaseneva dassetvā saṃvaṇṇanākkamañcassa anuppattaṃ ‘‘āgato bhāro avassaṃ vahitabbo’’ti saṃvaṇṇanamassa paṭijānanto āha ‘‘saṅkhepenevā’’tiādi.
ਤਤ੍ਥ ਯਮਸ੍ਸ વਿਸਯਾਤੀਤੋਤਿ ਜਾਤਿਯਾ ਸਤਿ ਮਰਣਂ ਹੋਤੀਤਿ ਜਾਤਿ, ਪਞ੍ਚ વਾ ਉਪਾਦਾਨਕ੍ਖਨ੍ਧਾ ਯਮਸ੍ਸ વਿਸਯੋ, ਤਂ ਸਮੁਦਯਪ੍ਪਹਾਨੇਨ ਅਤੀਤੋਤਿ ਅਤ੍ਥੋ। ਯਮਸ੍ਸ વਾ ਰਞ੍ਞੋ વਿਸਯਂ ਮਰਣਂ, ਤਸ੍ਸ ਆਣਾਪવਤ੍ਤਿਟ੍ਠਾਨਂ ਦੇਸਂ વਾ ਅਤੀਤੋ। ‘‘ਛਚ੍ਚਾਭਿਠਾਨਾਨਿ ਅਭਬ੍ਬ ਕਾਤੁ’’ਨ੍ਤਿ (ਖੁ॰ ਪਾ॰ ੬.੧੧; ਸੁ॰ ਨਿ॰ ੨੩੪) વੁਤ੍ਤਾਨਂ ਛਨ੍ਨਂ ਅਭਬ੍ਬਟ੍ਠਾਨਾਨਂ ਦੇਸਕੋਤਿ ਛਟ੍ਠਾਨਦੇਸਕੋ । ਅਯਮਾ ਏਕੇਕਾ ਹੁਤ੍વਾ ਆવਤ੍ਤਾ ਨੀਲਾ ਅਮਲਾ ਚ ਤਨੁਰੁਹਾ ਅਸ੍ਸਾਤਿ ਅਯਮਾવਤ੍ਤਨੀਲਾਮਲਤਨੁਰੁਹੋ।
Tattha yamassa visayātītoti jātiyā sati maraṇaṃ hotīti jāti, pañca vā upādānakkhandhā yamassa visayo, taṃ samudayappahānena atītoti attho. Yamassa vā rañño visayaṃ maraṇaṃ, tassa āṇāpavattiṭṭhānaṃ desaṃ vā atīto. ‘‘Chaccābhiṭhānāni abhabba kātu’’nti (khu. pā. 6.11; su. ni. 234) vuttānaṃ channaṃ abhabbaṭṭhānānaṃ desakoti chaṭṭhānadesako. Ayamā ekekā hutvā āvattā nīlā amalā ca tanuruhā assāti ayamāvattanīlāmalatanuruho.
ਗਨ੍ਥਾਰਮ੍ਭવਣ੍ਣਨਾ ਨਿਟ੍ਠਿਤਾ।
Ganthārambhavaṇṇanā niṭṭhitā.
