| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
നമോ തസ്സ ഭഗവതോ അരഹതോ സമ്മാസമ്ബുദ്ധസ്സ
Namo tassa bhagavato arahato sammāsambuddhassa
വിനയപിടകേ
Vinayapiṭake
വിമതിവിനോദനീ-ടീകാ (പഠമോ ഭാഗോ)
Vimativinodanī-ṭīkā (paṭhamo bhāgo)
ഗന്ഥാരമ്ഭകഥാ
Ganthārambhakathā
കരുണാപുണ്ണഹദയം , സുഗതം ഹിതദായകം;
Karuṇāpuṇṇahadayaṃ , sugataṃ hitadāyakaṃ;
നത്വാ ധമ്മഞ്ച വിമലം, സങ്ഘഞ്ച ഗുണസമ്പദം.
Natvā dhammañca vimalaṃ, saṅghañca guṇasampadaṃ.
വണ്ണനാ നിപുണാഹേസും, വിനയട്ഠകഥായ യാ;
Vaṇṇanā nipuṇāhesuṃ, vinayaṭṭhakathāya yā;
പുബ്ബകേഹി കതാ നേകാ, നാനാനയസമാകുലാ.
Pubbakehi katā nekā, nānānayasamākulā.
തത്ഥ കാചി സുവിത്ഥിണ്ണാ, ദുക്ഖോഗാഹാ ച ഗന്ഥതോ;
Tattha kāci suvitthiṇṇā, dukkhogāhā ca ganthato;
വിരദ്ധാ അത്ഥതോ ചാപി, സദ്ദതോ ചാപി കത്ഥചി.
Viraddhā atthato cāpi, saddato cāpi katthaci.
കാചി കത്ഥചി അപുണ്ണാ, കാചി സമ്മോഹകാരിനീ;
Kāci katthaci apuṇṇā, kāci sammohakārinī;
തസ്മാ താഹി സമാദായ, സാരം സങ്ഖേപരൂപതോ.
Tasmā tāhi samādāya, sāraṃ saṅkheparūpato.
ലീനത്ഥഞ്ച പകാസേന്തോ, വിരദ്ധഞ്ച വിസോധയം;
Līnatthañca pakāsento, viraddhañca visodhayaṃ;
ഉപട്ഠിതനയഞ്ചാപി, തത്ഥ തത്ഥ പകാസയം.
Upaṭṭhitanayañcāpi, tattha tattha pakāsayaṃ.
വിനയേ വിമതിം ഛേതും, ഭിക്ഖൂനം ലഹുവുത്തിനം;
Vinaye vimatiṃ chetuṃ, bhikkhūnaṃ lahuvuttinaṃ;
സങ്ഖേപേന ലിഖിസ്സാമി, തസ്സാ ലീനത്ഥവണ്ണനം.
Saṅkhepena likhissāmi, tassā līnatthavaṇṇanaṃ.
