| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
વਿਨਯਪਿਟਕੇ
Vinayapiṭake
વਿਮਤਿવਿਨੋਦਨੀ-ਟੀਕਾ (ਪਠਮੋ ਭਾਗੋ)
Vimativinodanī-ṭīkā (paṭhamo bhāgo)
ਗਨ੍ਥਾਰਮ੍ਭਕਥਾ
Ganthārambhakathā
ਕਰੁਣਾਪੁਣ੍ਣਹਦਯਂ , ਸੁਗਤਂ ਹਿਤਦਾਯਕਂ।
Karuṇāpuṇṇahadayaṃ , sugataṃ hitadāyakaṃ;
ਨਤ੍વਾ ਧਮ੍ਮਞ੍ਚ વਿਮਲਂ, ਸਙ੍ਘਞ੍ਚ ਗੁਣਸਮ੍ਪਦਂ॥
Natvā dhammañca vimalaṃ, saṅghañca guṇasampadaṃ.
વਣ੍ਣਨਾ ਨਿਪੁਣਾਹੇਸੁਂ, વਿਨਯਟ੍ਠਕਥਾਯ ਯਾ।
Vaṇṇanā nipuṇāhesuṃ, vinayaṭṭhakathāya yā;
ਪੁਬ੍ਬਕੇਹਿ ਕਤਾ ਨੇਕਾ, ਨਾਨਾਨਯਸਮਾਕੁਲਾ॥
Pubbakehi katā nekā, nānānayasamākulā.
ਤਤ੍ਥ ਕਾਚਿ ਸੁવਿਤ੍ਥਿਣ੍ਣਾ, ਦੁਕ੍ਖੋਗਾਹਾ ਚ ਗਨ੍ਥਤੋ।
Tattha kāci suvitthiṇṇā, dukkhogāhā ca ganthato;
વਿਰਦ੍ਧਾ ਅਤ੍ਥਤੋ ਚਾਪਿ, ਸਦ੍ਦਤੋ ਚਾਪਿ ਕਤ੍ਥਚਿ॥
Viraddhā atthato cāpi, saddato cāpi katthaci.
ਕਾਚਿ ਕਤ੍ਥਚਿ ਅਪੁਣ੍ਣਾ, ਕਾਚਿ ਸਮ੍ਮੋਹਕਾਰਿਨੀ।
Kāci katthaci apuṇṇā, kāci sammohakārinī;
ਤਸ੍ਮਾ ਤਾਹਿ ਸਮਾਦਾਯ, ਸਾਰਂ ਸਙ੍ਖੇਪਰੂਪਤੋ॥
Tasmā tāhi samādāya, sāraṃ saṅkheparūpato.
ਲੀਨਤ੍ਥਞ੍ਚ ਪਕਾਸੇਨ੍ਤੋ, વਿਰਦ੍ਧਞ੍ਚ વਿਸੋਧਯਂ।
Līnatthañca pakāsento, viraddhañca visodhayaṃ;
ਉਪਟ੍ਠਿਤਨਯਞ੍ਚਾਪਿ, ਤਤ੍ਥ ਤਤ੍ਥ ਪਕਾਸਯਂ॥
Upaṭṭhitanayañcāpi, tattha tattha pakāsayaṃ.
વਿਨਯੇ વਿਮਤਿਂ ਛੇਤੁਂ, ਭਿਕ੍ਖੂਨਂ ਲਹੁવੁਤ੍ਤਿਨਂ।
Vinaye vimatiṃ chetuṃ, bhikkhūnaṃ lahuvuttinaṃ;
ਸਙ੍ਖੇਪੇਨ ਲਿਖਿਸ੍ਸਾਮਿ, ਤਸ੍ਸਾ ਲੀਨਤ੍ਥવਣ੍ਣਨਂ॥
Saṅkhepena likhissāmi, tassā līnatthavaṇṇanaṃ.
