| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿવਿਭਾવਿਨੀ • Nettivibhāvinī |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਖੁਦ੍ਦਕਨਿਕਾਯੇ
Khuddakanikāye
ਨੇਤ੍ਤਿવਿਭਾવਿਨੀ
Nettivibhāvinī
ਗਨ੍ਥਾਰਮ੍ਭਕਥਾ
Ganthārambhakathā
ਯਜਿਤਬ੍ਬਂ ਯਜਿਤ੍વਾਨ, ਨਮਿਤਬ੍ਬਂ ਨਮਾਮਹਂ।
Yajitabbaṃ yajitvāna, namitabbaṃ namāmahaṃ;
ਯਜਨਾਦ੍ਯਾਨੁਭਾવੇਨ, ਅਨ੍ਤਰਾਯੇ ਜਹਂ ਸਦਾ॥
Yajanādyānubhāvena, antarāye jahaṃ sadā.
ਯੇਨ ਯਾ ਰਚਿਤਾ ਨੇਤ੍ਤਿ, ਯੇਨ ਸਾ ਅਨੁਮੋਦਿਤਾ।
Yena yā racitā netti, yena sā anumoditā;
ਯੇਹਿ ਸਂવਣ੍ਣਨਾ ਕਤਾ, ਤੇਸਾਨੁਭਾવਨਿਸ੍ਸਿਤੋ॥
Yehi saṃvaṇṇanā katā, tesānubhāvanissito.
ਕਿਞ੍ਚਿ ਕਿਞ੍ਚਿ ਸਰਿਤ੍વਾਨ, ਲੀਨਾਲੀਨਾਨੁਸਨ੍ਧ੍ਯਾਦਿਂ।
Kiñci kiñci saritvāna, līnālīnānusandhyādiṃ;
ਕਰਿਸ੍ਸਂ ਜਿਨਸੁਤ੍ਤਾਨਂ, ਹਿਤਂ ਨੇਤ੍ਤਿવਿਭਾવਨਂ॥
Karissaṃ jinasuttānaṃ, hitaṃ nettivibhāvanaṃ.
ਅਪ੍ਪਮੇਯ੍ਯਗੁਣੋ ਮਹਾਧਮ੍ਮਰਾਜવ੍ਹਯੋ ਭવੇ।
Appameyyaguṇo mahādhammarājavhayo bhave;
ਅਚ੍ਛਰਿਯੋ ਅਬ੍ਭੁਤੋ ਯੋ, ਬੋਧਿਸਮ੍ਭਾਰਪੂਰਣੋ॥
Acchariyo abbhuto yo, bodhisambhārapūraṇo.
ਨਾਨਾਰਟ੍ਠਿਸ੍ਸਰਿਸ੍ਸਰੋ, ਸੇਟ੍ਠੋ ਸਾਸਨਪਗ੍ਗਹੋ।
Nānāraṭṭhissarissaro, seṭṭho sāsanapaggaho;
ਪਾਸਂਸਰਾਜਪਾਸਂਸੋ, ਨਰਾਚਿਨ੍ਤੇਯ੍ਯਚਿਨ੍ਤਕੋ॥
Pāsaṃsarājapāsaṃso, narācinteyyacintako.
ਚਿਨ੍ਤਿਤਕਾਰਕੋ ਰਾਜਾ, ਸਿਰਟ੍ਠਿਮਾਲਪਾਲਕੋ।
Cintitakārako rājā, siraṭṭhimālapālako;
ਅਜੇਯ੍ਯਜੇਯ੍ਯਕੋ ਮਹਾਚੇਤ੍ਯਾਦਿਕਾਰਕੋ ਸਦਾ॥
Ajeyyajeyyako mahācetyādikārako sadā.
ਅਸ੍ਸਾਮਚ੍ਚੇਨ ਬ੍ਯਤ੍ਤੇਨ, ਜਿਨਚਕ੍ਕਹਿਤਤ੍ਥਿਨਾ।
Assāmaccena byattena, jinacakkahitatthinā;
ਅਨਨ੍ਤਸੁਤਿਨਾਮੇਨ, ਸਕ੍ਕਚ੍ਚਂ ਅਭਿਯਾਚਿਤੋ॥
Anantasutināmena, sakkaccaṃ abhiyācito.
ਕਾਮਂ ਸਂવਣ੍ਣਨਾ ਕਤਾ, ਥੇਰਾਸਭੇਹਿ ਗਮ੍ਭੀਰਾ।
Kāmaṃ saṃvaṇṇanā katā, therāsabhehi gambhīrā;
ਗਮ੍ਭੀਰਤ੍ਤਾ ਤੁ ਜਾਨਿਤੁਂ, ਜਿਨਪੁਤ੍ਤੇਹਿ ਦੁਕ੍ਕਰਾ॥
Gambhīrattā tu jānituṃ, jinaputtehi dukkarā.
ਤਸ੍ਮਾ ਯਾਚਿਤਾਨੁਰੂਪੇਨ, ਕਰਿਸ੍ਸਂ ਸਾਦਰਂ ਸੁਣ।
Tasmā yācitānurūpena, karissaṃ sādaraṃ suṇa;
ਸਿਸ੍ਸਸਿਕ੍ਖਨਯਾਨੁਗਂ, ਯੋਤ੍ਤਂ ਨੇਤ੍ਤਿવਿਭਾવਨਨ੍ਤਿ॥
Sissasikkhanayānugaṃ, yottaṃ nettivibhāvananti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā / ਗਨ੍ਥਾਰਮ੍ਭਕਥਾ • Ganthārambhakathā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿਪ੍ਪਕਰਣ-ਟੀਕਾ • Nettippakaraṇa-ṭīkā / ਗਨ੍ਥਾਰਮ੍ਭਕਥਾવਣ੍ਣਨਾ • Ganthārambhakathāvaṇṇanā
