| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਕਙ੍ਖਾવਿਤਰਣੀ-ਅਭਿਨવਟੀਕਾ
Kaṅkhāvitaraṇī-abhinavaṭīkā
ਗਨ੍ਥਾਰਮ੍ਭਕਥਾ
Ganthārambhakathā
ਤਿਲੋਕਤਿਲਕਂ ਬੁਦ੍ਧਂ, વਨ੍ਦੇ ਸੁਦ੍ਧਗੁਣਾਕਰਂ।
Tilokatilakaṃ buddhaṃ, vande suddhaguṇākaraṃ;
ਕਰੁਣਾਸੀਤਲੀਭੂਤ-ਹਦਯਂ ਮਹਿਤੋਦਯਂ॥
Karuṇāsītalībhūta-hadayaṃ mahitodayaṃ.
ਤੇਨਾਪਿ ਧਮ੍ਮਰਾਜੇਨ, ਲੋਕੇਕਾਚਰਿਯੇਨ ਯੋ।
Tenāpi dhammarājena, lokekācariyena yo;
ਪੂਜਿਤੋ ਤਞ੍ਚ ਸਦ੍ਧਮ੍ਮਂ, વਨ੍ਦੇ ਗਮ੍ਭੀਰਮੁਤ੍ਤਮਂ॥
Pūjito tañca saddhammaṃ, vande gambhīramuttamaṃ.
ਮੁਨਿਨ੍ਦਚਨ੍ਦਸਦ੍ਧਮ੍ਮ-ਰਂਸੀਹਿ વਿਮਲੇਹਿ ਯੋ।
Munindacandasaddhamma-raṃsīhi vimalehi yo;
ਬੋਧਿਤੋਹਂ ਸਦਾ વਨ੍ਦੇ, ਤਂ ਸਙ੍ਘਂ ਕੁਮੁਦਾਕਰਂ॥
Bodhitohaṃ sadā vande, taṃ saṅghaṃ kumudākaraṃ.
વਿਨਯੇ ਨਯਗਮ੍ਭੀਰੇ, ਸਬ੍ਬਥਾ ਪਾਰਦਸ੍ਸਿਨਾ।
Vinaye nayagambhīre, sabbathā pāradassinā;
વਾਦਿਨਾ ਦੁਤ੍ਤਰਾਗਾਧ-ਸਬ੍ਬਸਤ੍ਥਮਹਣ੍ਣવੇ॥
Vādinā duttarāgādha-sabbasatthamahaṇṇave.
ਯਾ ਕਤਾ ਬੁਦ੍ਧਘੋਸੇਨ, ਥੇਰੇਨ ਥਿਰਚੇਤਸਾ।
Yā katā buddhaghosena, therena thiracetasā;
ਕਙ੍ਖਾવਿਤਰਣੀ ਨਾਮ, ਮਾਤਿਕਟ੍ਠਕਥਾ ਸੁਭਾ॥
Kaṅkhāvitaraṇī nāma, mātikaṭṭhakathā subhā.
ਥਿਰਾਨੇਕਗੁਣੋਘੇਨ, ਥੇਰੇਨ વਿਨਯਞ੍ਞੁਨਾ।
Thirānekaguṇoghena, therena vinayaññunā;
ਕਲ੍ਯਾਣਾਚਾਰਯੁਤ੍ਤੇਨ, ਧੀਮਤਾ ਮੁਨਿਸੂਨੁਨਾ।
Kalyāṇācārayuttena, dhīmatā munisūnunā;
વਿਨਯਟ੍ਠਿਤਿਕਾਮੇਨ, ਸੁਮੇਧੇਨਾਭਿਯਾਚਿਤੋ॥
Vinayaṭṭhitikāmena, sumedhenābhiyācito.
ਤਮਹਂ વਣ੍ਣਯਿਸ੍ਸਾਮਿ, ਸੁવਿਸੁਦ੍ਧਮਨਾਕੁਲਂ।
Tamahaṃ vaṇṇayissāmi, suvisuddhamanākulaṃ;
ਸਾਧવੋ ਤਂ ਨਿਸਾਮੇਥ, ਸਕ੍ਕਚ੍ਚਂ ਮਮ ਭਾਸਤੋਤਿ॥
Sādhavo taṃ nisāmetha, sakkaccaṃ mama bhāsatoti.
