| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
නමො තස්ස භගවතො අරහතො සම්මාසම්බුද්ධස්ස
Namo tassa bhagavato arahato sammāsambuddhassa
විනයපිටකෙ
Vinayapiṭake
විමතිවිනොදනී-ටීකා (පඨමො භාගො)
Vimativinodanī-ṭīkā (paṭhamo bhāgo)
ගන්ථාරම්භකථා
Ganthārambhakathā
කරුණාපුණ්ණහදයං , සුගතං හිතදායකං;
Karuṇāpuṇṇahadayaṃ , sugataṃ hitadāyakaṃ;
නත්වා ධම්මඤ්ච විමලං, සඞ්ඝඤ්ච ගුණසම්පදං.
Natvā dhammañca vimalaṃ, saṅghañca guṇasampadaṃ.
වණ්ණනා නිපුණාහෙසුං, විනයට්ඨකථාය යා;
Vaṇṇanā nipuṇāhesuṃ, vinayaṭṭhakathāya yā;
පුබ්බකෙහි කතා නෙකා, නානානයසමාකුලා.
Pubbakehi katā nekā, nānānayasamākulā.
තත්ථ කාචි සුවිත්ථිණ්ණා, දුක්ඛොගාහා ච ගන්ථතො;
Tattha kāci suvitthiṇṇā, dukkhogāhā ca ganthato;
විරද්ධා අත්ථතො චාපි, සද්දතො චාපි කත්ථචි.
Viraddhā atthato cāpi, saddato cāpi katthaci.
කාචි කත්ථචි අපුණ්ණා, කාචි සම්මොහකාරිනී;
Kāci katthaci apuṇṇā, kāci sammohakārinī;
තස්මා තාහි සමාදාය, සාරං සඞ්ඛෙපරූපතො.
Tasmā tāhi samādāya, sāraṃ saṅkheparūpato.
ලීනත්ථඤ්ච පකාසෙන්තො, විරද්ධඤ්ච විසොධයං;
Līnatthañca pakāsento, viraddhañca visodhayaṃ;
උපට්ඨිතනයඤ්චාපි, තත්ථ තත්ථ පකාසයං.
Upaṭṭhitanayañcāpi, tattha tattha pakāsayaṃ.
විනයෙ විමතිං ඡෙතුං, භික්ඛූනං ලහුවුත්තිනං;
Vinaye vimatiṃ chetuṃ, bhikkhūnaṃ lahuvuttinaṃ;
සඞ්ඛෙපෙන ලිඛිස්සාමි, තස්සා ලීනත්ථවණ්ණනං.
Saṅkhepena likhissāmi, tassā līnatthavaṇṇanaṃ.
