| Library / Tipiṭaka / තිපිටක • Tipiṭaka / නෙත්තිවිභාවිනී • Nettivibhāvinī |
නමො තස්ස භගවතො අරහතො සම්මාසම්බුද්ධස්ස
Namo tassa bhagavato arahato sammāsambuddhassa
ඛුද්දකනිකායෙ
Khuddakanikāye
නෙත්තිවිභාවිනී
Nettivibhāvinī
ගන්ථාරම්භකථා
Ganthārambhakathā
යජිතබ්බං යජිත්වාන, නමිතබ්බං නමාමහං;
Yajitabbaṃ yajitvāna, namitabbaṃ namāmahaṃ;
යජනාද්යානුභාවෙන, අන්තරායෙ ජහං සදා.
Yajanādyānubhāvena, antarāye jahaṃ sadā.
යෙන යා රචිතා නෙත්ති, යෙන සා අනුමොදිතා;
Yena yā racitā netti, yena sā anumoditā;
යෙහි සංවණ්ණනා කතා, තෙසානුභාවනිස්සිතො.
Yehi saṃvaṇṇanā katā, tesānubhāvanissito.
කිඤ්චි කිඤ්චි සරිත්වාන, ලීනාලීනානුසන්ධ්යාදිං;
Kiñci kiñci saritvāna, līnālīnānusandhyādiṃ;
කරිස්සං ජිනසුත්තානං, හිතං නෙත්තිවිභාවනං.
Karissaṃ jinasuttānaṃ, hitaṃ nettivibhāvanaṃ.
අප්පමෙය්යගුණො මහාධම්මරාජව්හයො භවෙ;
Appameyyaguṇo mahādhammarājavhayo bhave;
අච්ඡරියො අබ්භුතො යො, බොධිසම්භාරපූරණො.
Acchariyo abbhuto yo, bodhisambhārapūraṇo.
නානාරට්ඨිස්සරිස්සරො, සෙට්ඨො සාසනපග්ගහො;
Nānāraṭṭhissarissaro, seṭṭho sāsanapaggaho;
පාසංසරාජපාසංසො, නරාචින්තෙය්යචින්තකො.
Pāsaṃsarājapāsaṃso, narācinteyyacintako.
චින්තිතකාරකො රාජා, සිරට්ඨිමාලපාලකො;
Cintitakārako rājā, siraṭṭhimālapālako;
අජෙය්යජෙය්යකො මහාචෙත්යාදිකාරකො සදා.
Ajeyyajeyyako mahācetyādikārako sadā.
අස්සාමච්චෙන බ්යත්තෙන, ජිනචක්කහිතත්ථිනා;
Assāmaccena byattena, jinacakkahitatthinā;
අනන්තසුතිනාමෙන, සක්කච්චං අභියාචිතො.
Anantasutināmena, sakkaccaṃ abhiyācito.
කාමං සංවණ්ණනා කතා, ථෙරාසභෙහි ගම්භීරා;
Kāmaṃ saṃvaṇṇanā katā, therāsabhehi gambhīrā;
ගම්භීරත්තා තු ජානිතුං, ජිනපුත්තෙහි දුක්කරා.
Gambhīrattā tu jānituṃ, jinaputtehi dukkarā.
තස්මා යාචිතානුරූපෙන, කරිස්සං සාදරං සුණ;
Tasmā yācitānurūpena, karissaṃ sādaraṃ suṇa;
සිස්සසික්ඛනයානුගං, යොත්තං නෙත්තිවිභාවනන්ති.
Sissasikkhanayānugaṃ, yottaṃ nettivibhāvananti.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / නෙත්තිප්පකරණ-අට්ඨකථා • Nettippakaraṇa-aṭṭhakathā / ගන්ථාරම්භකථා • Ganthārambhakathā
ටීකා • Tīkā / සුත්තපිටක (ටීකා) • Suttapiṭaka (ṭīkā) / ඛුද්දකනිකාය (ටීකා) • Khuddakanikāya (ṭīkā) / නෙත්තිප්පකරණ-ටීකා • Nettippakaraṇa-ṭīkā / ගන්ථාරම්භකථාවණ්ණනා • Ganthārambhakathāvaṇṇanā
