| Library / Tipiṭaka / ತಿಪಿಟಕ • Tipiṭaka / ವಿನಯವಿನಿಚ್ಛಯ-ಉತ್ತರವಿನಿಚ್ಛಯ • Vinayavinicchaya-uttaravinicchaya |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ಉತ್ತರವಿನಿಚ್ಛಯೋ
Uttaravinicchayo
ಗನ್ಥಾರಮ್ಭಕಥಾ
Ganthārambhakathā
೧.
1.
ಸಬ್ಬಸತ್ತುತ್ತಮಂ ಧೀರಂ, ವನ್ದಿತ್ವಾ ಸಿರಸಾ ಜಿನಂ।
Sabbasattuttamaṃ dhīraṃ, vanditvā sirasā jinaṃ;
ಧಮ್ಮಞ್ಚಾಧಮ್ಮವಿದ್ಧಂಸಂ, ಗಣಮಙ್ಗಣನಾಸನಂ॥
Dhammañcādhammaviddhaṃsaṃ, gaṇamaṅgaṇanāsanaṃ.
೨.
2.
ಯೋ ಮಯಾ ರಚಿತೋ ಸಾರೋ, ವಿನಯಸ್ಸ ವಿನಿಚ್ಛಯೋ।
Yo mayā racito sāro, vinayassa vinicchayo;
ತಸ್ಸ ದಾನಿ ಕರಿಸ್ಸಾಮಿ, ಸಬ್ಬಾನುತ್ತರಮುತ್ತರಂ॥
Tassa dāni karissāmi, sabbānuttaramuttaraṃ.
೩.
3.
ಭಣತೋ ಪಠತೋ ಪಯುಞ್ಜತೋ।
Bhaṇato paṭhato payuñjato;
ಸುಣತೋ ಚಿನ್ತಯತೋ ಪನುತ್ತರಂ।
Suṇato cintayato panuttaraṃ;
ಪರಮಂ ಅಬುದ್ಧ ಬುದ್ಧಿವಡ್ಢನಂ।
Paramaṃ abuddha buddhivaḍḍhanaṃ;
ವದತೋ ಮೇ ನಿರತಾ ನಿಬೋಧಥ॥
Vadato me niratā nibodhatha.
