| Library / Tipiṭaka / ತಿಪಿಟಕ • Tipiṭaka / ವಿನಯವಿನಿಚ್ಛಯ-ಉತ್ತರವಿನಿಚ್ಛಯ • Vinayavinicchaya-uttaravinicchaya |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ವಿನಯವಿನಿಚ್ಛಯೋ
Vinayavinicchayo
ಗನ್ಥಾರಮ್ಭಕಥಾ
Ganthārambhakathā
೧.
1.
ವನ್ದಿತ್ವಾ ಸಿರಸಾ ಸೇಟ್ಠಂ, ಬುದ್ಧಮಪ್ಪಟಿಪುಗ್ಗಲಂ।
Vanditvā sirasā seṭṭhaṃ, buddhamappaṭipuggalaṃ;
ಭವಾಭಾವಕರಂ ಧಮ್ಮಂ, ಗಣಞ್ಚೇವ ನಿರಙ್ಗಣಂ॥
Bhavābhāvakaraṃ dhammaṃ, gaṇañceva niraṅgaṇaṃ.
೨.
2.
ಭಿಕ್ಖೂನಂ ಭಿಕ್ಖುನೀನಞ್ಚ, ಹಿತತ್ಥಾಯ ಸಮಾಹಿತೋ।
Bhikkhūnaṃ bhikkhunīnañca, hitatthāya samāhito;
ಪವಕ್ಖಾಮಿ ಸಮಾಸೇನ, ವಿನಯಸ್ಸವಿನಿಚ್ಛಯಂ॥
Pavakkhāmi samāsena, vinayassavinicchayaṃ.
೩.
3.
ಅನಾಕುಲಮಸಂಕಿಣ್ಣಂ, ಮಧುರತ್ಥಪದಕ್ಕಮಂ।
Anākulamasaṃkiṇṇaṃ, madhuratthapadakkamaṃ;
ಪಟುಭಾವಕರಂ ಏತಂ, ಪರಮಂ ವಿನಯಕ್ಕಮೇ॥
Paṭubhāvakaraṃ etaṃ, paramaṃ vinayakkame.
೪.
4.
ಅಪಾರಂ ಓತರನ್ತಾನಂ, ಸಾರಂ ವಿನಯಸಾಗರಂ।
Apāraṃ otarantānaṃ, sāraṃ vinayasāgaraṃ;
ಭಿಕ್ಖೂನಂ ಭಿಕ್ಖುನೀನಞ್ಚ, ನಾವಾಭೂತಂ ಮನೋರಮಂ॥
Bhikkhūnaṃ bhikkhunīnañca, nāvābhūtaṃ manoramaṃ.
೫.
5.
ತಸ್ಮಾ ವಿನಯನೂಪಾಯಂ, ವಿನಯಸ್ಸವಿನಿಚ್ಛಯಂ।
Tasmā vinayanūpāyaṃ, vinayassavinicchayaṃ;
ಅವಿಕ್ಖಿತ್ತೇನ ಚಿತ್ತೇನ, ವದತೋ ಮೇ ನಿಬೋಧಥ॥
Avikkhittena cittena, vadato me nibodhatha.
