| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ವಿನಯಪಿಟಕೇ
Vinayapiṭake
ವಿಮತಿವಿನೋದನೀ-ಟೀಕಾ (ಪಠಮೋ ಭಾಗೋ)
Vimativinodanī-ṭīkā (paṭhamo bhāgo)
ಗನ್ಥಾರಮ್ಭಕಥಾ
Ganthārambhakathā
ಕರುಣಾಪುಣ್ಣಹದಯಂ , ಸುಗತಂ ಹಿತದಾಯಕಂ।
Karuṇāpuṇṇahadayaṃ , sugataṃ hitadāyakaṃ;
ನತ್ವಾ ಧಮ್ಮಞ್ಚ ವಿಮಲಂ, ಸಙ್ಘಞ್ಚ ಗುಣಸಮ್ಪದಂ॥
Natvā dhammañca vimalaṃ, saṅghañca guṇasampadaṃ.
ವಣ್ಣನಾ ನಿಪುಣಾಹೇಸುಂ, ವಿನಯಟ್ಠಕಥಾಯ ಯಾ।
Vaṇṇanā nipuṇāhesuṃ, vinayaṭṭhakathāya yā;
ಪುಬ್ಬಕೇಹಿ ಕತಾ ನೇಕಾ, ನಾನಾನಯಸಮಾಕುಲಾ॥
Pubbakehi katā nekā, nānānayasamākulā.
ತತ್ಥ ಕಾಚಿ ಸುವಿತ್ಥಿಣ್ಣಾ, ದುಕ್ಖೋಗಾಹಾ ಚ ಗನ್ಥತೋ।
Tattha kāci suvitthiṇṇā, dukkhogāhā ca ganthato;
ವಿರದ್ಧಾ ಅತ್ಥತೋ ಚಾಪಿ, ಸದ್ದತೋ ಚಾಪಿ ಕತ್ಥಚಿ॥
Viraddhā atthato cāpi, saddato cāpi katthaci.
ಕಾಚಿ ಕತ್ಥಚಿ ಅಪುಣ್ಣಾ, ಕಾಚಿ ಸಮ್ಮೋಹಕಾರಿನೀ।
Kāci katthaci apuṇṇā, kāci sammohakārinī;
ತಸ್ಮಾ ತಾಹಿ ಸಮಾದಾಯ, ಸಾರಂ ಸಙ್ಖೇಪರೂಪತೋ॥
Tasmā tāhi samādāya, sāraṃ saṅkheparūpato.
ಲೀನತ್ಥಞ್ಚ ಪಕಾಸೇನ್ತೋ, ವಿರದ್ಧಞ್ಚ ವಿಸೋಧಯಂ।
Līnatthañca pakāsento, viraddhañca visodhayaṃ;
ಉಪಟ್ಠಿತನಯಞ್ಚಾಪಿ, ತತ್ಥ ತತ್ಥ ಪಕಾಸಯಂ॥
Upaṭṭhitanayañcāpi, tattha tattha pakāsayaṃ.
ವಿನಯೇ ವಿಮತಿಂ ಛೇತುಂ, ಭಿಕ್ಖೂನಂ ಲಹುವುತ್ತಿನಂ।
Vinaye vimatiṃ chetuṃ, bhikkhūnaṃ lahuvuttinaṃ;
ಸಙ್ಖೇಪೇನ ಲಿಖಿಸ್ಸಾಮಿ, ತಸ್ಸಾ ಲೀನತ್ಥವಣ್ಣನಂ॥
Saṅkhepena likhissāmi, tassā līnatthavaṇṇanaṃ.
