| Library / Tipiṭaka / ತಿಪಿಟಕ • Tipiṭaka / ನೇತ್ತಿವಿಭಾವಿನೀ • Nettivibhāvinī |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ಖುದ್ದಕನಿಕಾಯೇ
Khuddakanikāye
ನೇತ್ತಿವಿಭಾವಿನೀ
Nettivibhāvinī
ಗನ್ಥಾರಮ್ಭಕಥಾ
Ganthārambhakathā
ಯಜಿತಬ್ಬಂ ಯಜಿತ್ವಾನ, ನಮಿತಬ್ಬಂ ನಮಾಮಹಂ।
Yajitabbaṃ yajitvāna, namitabbaṃ namāmahaṃ;
ಯಜನಾದ್ಯಾನುಭಾವೇನ, ಅನ್ತರಾಯೇ ಜಹಂ ಸದಾ॥
Yajanādyānubhāvena, antarāye jahaṃ sadā.
ಯೇನ ಯಾ ರಚಿತಾ ನೇತ್ತಿ, ಯೇನ ಸಾ ಅನುಮೋದಿತಾ।
Yena yā racitā netti, yena sā anumoditā;
ಯೇಹಿ ಸಂವಣ್ಣನಾ ಕತಾ, ತೇಸಾನುಭಾವನಿಸ್ಸಿತೋ॥
Yehi saṃvaṇṇanā katā, tesānubhāvanissito.
ಕಿಞ್ಚಿ ಕಿಞ್ಚಿ ಸರಿತ್ವಾನ, ಲೀನಾಲೀನಾನುಸನ್ಧ್ಯಾದಿಂ।
Kiñci kiñci saritvāna, līnālīnānusandhyādiṃ;
ಕರಿಸ್ಸಂ ಜಿನಸುತ್ತಾನಂ, ಹಿತಂ ನೇತ್ತಿವಿಭಾವನಂ॥
Karissaṃ jinasuttānaṃ, hitaṃ nettivibhāvanaṃ.
ಅಪ್ಪಮೇಯ್ಯಗುಣೋ ಮಹಾಧಮ್ಮರಾಜವ್ಹಯೋ ಭವೇ।
Appameyyaguṇo mahādhammarājavhayo bhave;
ಅಚ್ಛರಿಯೋ ಅಬ್ಭುತೋ ಯೋ, ಬೋಧಿಸಮ್ಭಾರಪೂರಣೋ॥
Acchariyo abbhuto yo, bodhisambhārapūraṇo.
ನಾನಾರಟ್ಠಿಸ್ಸರಿಸ್ಸರೋ, ಸೇಟ್ಠೋ ಸಾಸನಪಗ್ಗಹೋ।
Nānāraṭṭhissarissaro, seṭṭho sāsanapaggaho;
ಪಾಸಂಸರಾಜಪಾಸಂಸೋ, ನರಾಚಿನ್ತೇಯ್ಯಚಿನ್ತಕೋ॥
Pāsaṃsarājapāsaṃso, narācinteyyacintako.
ಚಿನ್ತಿತಕಾರಕೋ ರಾಜಾ, ಸಿರಟ್ಠಿಮಾಲಪಾಲಕೋ।
Cintitakārako rājā, siraṭṭhimālapālako;
ಅಜೇಯ್ಯಜೇಯ್ಯಕೋ ಮಹಾಚೇತ್ಯಾದಿಕಾರಕೋ ಸದಾ॥
Ajeyyajeyyako mahācetyādikārako sadā.
ಅಸ್ಸಾಮಚ್ಚೇನ ಬ್ಯತ್ತೇನ, ಜಿನಚಕ್ಕಹಿತತ್ಥಿನಾ।
Assāmaccena byattena, jinacakkahitatthinā;
ಅನನ್ತಸುತಿನಾಮೇನ, ಸಕ್ಕಚ್ಚಂ ಅಭಿಯಾಚಿತೋ॥
Anantasutināmena, sakkaccaṃ abhiyācito.
ಕಾಮಂ ಸಂವಣ್ಣನಾ ಕತಾ, ಥೇರಾಸಭೇಹಿ ಗಮ್ಭೀರಾ।
Kāmaṃ saṃvaṇṇanā katā, therāsabhehi gambhīrā;
ಗಮ್ಭೀರತ್ತಾ ತು ಜಾನಿತುಂ, ಜಿನಪುತ್ತೇಹಿ ದುಕ್ಕರಾ॥
Gambhīrattā tu jānituṃ, jinaputtehi dukkarā.
ತಸ್ಮಾ ಯಾಚಿತಾನುರೂಪೇನ, ಕರಿಸ್ಸಂ ಸಾದರಂ ಸುಣ।
Tasmā yācitānurūpena, karissaṃ sādaraṃ suṇa;
ಸಿಸ್ಸಸಿಕ್ಖನಯಾನುಗಂ, ಯೋತ್ತಂ ನೇತ್ತಿವಿಭಾವನನ್ತಿ॥
Sissasikkhanayānugaṃ, yottaṃ nettivibhāvananti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ನೇತ್ತಿಪ್ಪಕರಣ-ಅಟ್ಠಕಥಾ • Nettippakaraṇa-aṭṭhakathā / ಗನ್ಥಾರಮ್ಭಕಥಾ • Ganthārambhakathā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಖುದ್ದಕನಿಕಾಯ (ಟೀಕಾ) • Khuddakanikāya (ṭīkā) / ನೇತ್ತಿಪ್ಪಕರಣ-ಟೀಕಾ • Nettippakaraṇa-ṭīkā / ಗನ್ಥಾರಮ್ಭಕಥಾವಣ್ಣನಾ • Ganthārambhakathāvaṇṇanā
