| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ಕಙ್ಖಾವಿತರಣೀ-ಅಭಿನವಟೀಕಾ
Kaṅkhāvitaraṇī-abhinavaṭīkā
ಗನ್ಥಾರಮ್ಭಕಥಾ
Ganthārambhakathā
ತಿಲೋಕತಿಲಕಂ ಬುದ್ಧಂ, ವನ್ದೇ ಸುದ್ಧಗುಣಾಕರಂ।
Tilokatilakaṃ buddhaṃ, vande suddhaguṇākaraṃ;
ಕರುಣಾಸೀತಲೀಭೂತ-ಹದಯಂ ಮಹಿತೋದಯಂ॥
Karuṇāsītalībhūta-hadayaṃ mahitodayaṃ.
ತೇನಾಪಿ ಧಮ್ಮರಾಜೇನ, ಲೋಕೇಕಾಚರಿಯೇನ ಯೋ।
Tenāpi dhammarājena, lokekācariyena yo;
ಪೂಜಿತೋ ತಞ್ಚ ಸದ್ಧಮ್ಮಂ, ವನ್ದೇ ಗಮ್ಭೀರಮುತ್ತಮಂ॥
Pūjito tañca saddhammaṃ, vande gambhīramuttamaṃ.
ಮುನಿನ್ದಚನ್ದಸದ್ಧಮ್ಮ-ರಂಸೀಹಿ ವಿಮಲೇಹಿ ಯೋ।
Munindacandasaddhamma-raṃsīhi vimalehi yo;
ಬೋಧಿತೋಹಂ ಸದಾ ವನ್ದೇ, ತಂ ಸಙ್ಘಂ ಕುಮುದಾಕರಂ॥
Bodhitohaṃ sadā vande, taṃ saṅghaṃ kumudākaraṃ.
ವಿನಯೇ ನಯಗಮ್ಭೀರೇ, ಸಬ್ಬಥಾ ಪಾರದಸ್ಸಿನಾ।
Vinaye nayagambhīre, sabbathā pāradassinā;
ವಾದಿನಾ ದುತ್ತರಾಗಾಧ-ಸಬ್ಬಸತ್ಥಮಹಣ್ಣವೇ॥
Vādinā duttarāgādha-sabbasatthamahaṇṇave.
ಯಾ ಕತಾ ಬುದ್ಧಘೋಸೇನ, ಥೇರೇನ ಥಿರಚೇತಸಾ।
Yā katā buddhaghosena, therena thiracetasā;
ಕಙ್ಖಾವಿತರಣೀ ನಾಮ, ಮಾತಿಕಟ್ಠಕಥಾ ಸುಭಾ॥
Kaṅkhāvitaraṇī nāma, mātikaṭṭhakathā subhā.
ಥಿರಾನೇಕಗುಣೋಘೇನ, ಥೇರೇನ ವಿನಯಞ್ಞುನಾ।
Thirānekaguṇoghena, therena vinayaññunā;
ಕಲ್ಯಾಣಾಚಾರಯುತ್ತೇನ, ಧೀಮತಾ ಮುನಿಸೂನುನಾ।
Kalyāṇācārayuttena, dhīmatā munisūnunā;
ವಿನಯಟ್ಠಿತಿಕಾಮೇನ, ಸುಮೇಧೇನಾಭಿಯಾಚಿತೋ॥
Vinayaṭṭhitikāmena, sumedhenābhiyācito.
ತಮಹಂ ವಣ್ಣಯಿಸ್ಸಾಮಿ, ಸುವಿಸುದ್ಧಮನಾಕುಲಂ।
Tamahaṃ vaṇṇayissāmi, suvisuddhamanākulaṃ;
ಸಾಧವೋ ತಂ ನಿಸಾಮೇಥ, ಸಕ್ಕಚ್ಚಂ ಮಮ ಭಾಸತೋತಿ॥
Sādhavo taṃ nisāmetha, sakkaccaṃ mama bhāsatoti.
