| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ಖುದ್ದಕನಿಕಾಯೇ
Khuddakanikāye
ಸುತ್ತನಿಪಾತ-ಅಟ್ಠಕಥಾ
Suttanipāta-aṭṭhakathā
(ಪಠಮೋ ಭಾಗೋ)
(Paṭhamo bhāgo)
ಗನ್ಥಾರಮ್ಭಕಥಾ
Ganthārambhakathā
ಉತ್ತಮಂ ವನ್ದನೇಯ್ಯಾನಂ, ವನ್ದಿತ್ವಾ ರತನತ್ತಯಂ।
Uttamaṃ vandaneyyānaṃ, vanditvā ratanattayaṃ;
ಯೋ ಖುದ್ದಕನಿಕಾಯಮ್ಹಿ, ಖುದ್ದಾಚಾರಪ್ಪಹಾಯಿನಾ॥
Yo khuddakanikāyamhi, khuddācārappahāyinā.
ದೇಸಿತೋ ಲೋಕನಾಥೇನ, ಲೋಕನಿಸ್ಸರಣೇಸಿನಾ।
Desito lokanāthena, lokanissaraṇesinā;
ತಸ್ಸ ಸುತ್ತನಿಪಾತಸ್ಸ, ಕರಿಸ್ಸಾಮತ್ಥವಣ್ಣನಂ॥
Tassa suttanipātassa, karissāmatthavaṇṇanaṃ.
ಅಯಂ ಸುತ್ತನಿಪಾತೋ ಚ, ಖುದ್ದಕೇಸ್ವೇವ ಓಗಧೋ।
Ayaṃ suttanipāto ca, khuddakesveva ogadho;
ಯಸ್ಮಾ ತಸ್ಮಾ ಇಮಸ್ಸಾಪಿ, ಕರಿಸ್ಸಾಮತ್ಥವಣ್ಣನಂ॥
Yasmā tasmā imassāpi, karissāmatthavaṇṇanaṃ.
ಗಾಥಾಸತಸಮಾಕಿಣ್ಣೋ, ಗೇಯ್ಯಬ್ಯಾಕರಣಙ್ಕಿತೋ।
Gāthāsatasamākiṇṇo, geyyabyākaraṇaṅkito;
ಕಸ್ಮಾ ಸುತ್ತನಿಪಾತೋತಿ, ಸಙ್ಖಮೇಸ ಗತೋತಿ ಚೇ॥
Kasmā suttanipātoti, saṅkhamesa gatoti ce.
ಸುವುತ್ತತೋ ಸವನತೋ, ಅತ್ಥಾನಂ ಸುಟ್ಠು ತಾಣತೋ।
Suvuttato savanato, atthānaṃ suṭṭhu tāṇato;
ಸೂಚನಾ ಸೂದನಾ ಚೇವ, ಯಸ್ಮಾ ಸುತ್ತಂ ಪವುಚ್ಚತಿ॥
Sūcanā sūdanā ceva, yasmā suttaṃ pavuccati.
ತಥಾರೂಪಾನಿ ಸುತ್ತಾನಿ, ನಿಪಾತೇತ್ವಾ ತತೋ ತತೋ।
Tathārūpāni suttāni, nipātetvā tato tato;
ಸಮೂಹತೋ ಅಯಂ ತಸ್ಮಾ, ಸಙ್ಖಮೇವಮುಪಾಗತೋ॥
Samūhato ayaṃ tasmā, saṅkhamevamupāgato.
ಸಬ್ಬಾನಿ ಚಾಪಿ ಸುತ್ತಾನಿ, ಪಮಾಣನ್ತೇನ ತಾದಿನೋ।
Sabbāni cāpi suttāni, pamāṇantena tādino;
ವಚನಾನಿ ಅಯಂ ತೇಸಂ, ನಿಪಾತೋ ಚ ಯತೋ ತತೋ॥
Vacanāni ayaṃ tesaṃ, nipāto ca yato tato.
ಅಞ್ಞಸಙ್ಖಾನಿಮಿತ್ತಾನಂ, ವಿಸೇಸಾನಮಭಾವತೋ।
Aññasaṅkhānimittānaṃ, visesānamabhāvato;
ಸಙ್ಖಂ ಸುತ್ತನಿಪಾತೋತಿ, ಏವಮೇವ ಸಮಜ್ಝಗಾತಿ॥
Saṅkhaṃ suttanipātoti, evameva samajjhagāti.
