| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
។ នមោ តស្ស ភគវតោ អរហតោ សម្មាសម្ពុទ្ធស្ស។
Namo tassa bhagavato arahato sammāsambuddhassa
កង្ខាវិតរណី-អភិនវដីកា
Kaṅkhāvitaraṇī-abhinavaṭīkā
គន្ថារម្ភកថា
Ganthārambhakathā
តិលោកតិលកំ ពុទ្ធំ, វន្ទេ សុទ្ធគុណាករំ;
Tilokatilakaṃ buddhaṃ, vande suddhaguṇākaraṃ;
ករុណាសីតលីភូត-ហទយំ មហិតោទយំ។
Karuṇāsītalībhūta-hadayaṃ mahitodayaṃ.
តេនាបិ ធម្មរាជេន, លោកេកាចរិយេន យោ;
Tenāpi dhammarājena, lokekācariyena yo;
បូជិតោ តញ្ច សទ្ធម្មំ, វន្ទេ គម្ភីរមុត្តមំ។
Pūjito tañca saddhammaṃ, vande gambhīramuttamaṃ.
មុនិន្ទចន្ទសទ្ធម្ម-រំសីហិ វិមលេហិ យោ;
Munindacandasaddhamma-raṃsīhi vimalehi yo;
ពោធិតោហំ សទា វន្ទេ, តំ សង្ឃំ កុមុទាករំ។
Bodhitohaṃ sadā vande, taṃ saṅghaṃ kumudākaraṃ.
វិនយេ នយគម្ភីរេ, សព្ពថា បារទស្សិនា;
Vinaye nayagambhīre, sabbathā pāradassinā;
វាទិនា ទុត្តរាគាធ-សព្ពសត្ថមហណ្ណវេ។
Vādinā duttarāgādha-sabbasatthamahaṇṇave.
យា កតា ពុទ្ធឃោសេន, ថេរេន ថិរចេតសា;
Yā katā buddhaghosena, therena thiracetasā;
កង្ខាវិតរណី នាម, មាតិកដ្ឋកថា សុភា។
Kaṅkhāvitaraṇī nāma, mātikaṭṭhakathā subhā.
ថិរានេកគុណោឃេន, ថេរេន វិនយញ្ញុនា;
Thirānekaguṇoghena, therena vinayaññunā;
កល្យាណាចារយុត្តេន, ធីមតា មុនិសូនុនា;
Kalyāṇācārayuttena, dhīmatā munisūnunā;
វិនយដ្ឋិតិកាមេន, សុមេធេនាភិយាចិតោ។
Vinayaṭṭhitikāmena, sumedhenābhiyācito.
តមហំ វណ្ណយិស្សាមិ, សុវិសុទ្ធមនាកុលំ;
Tamahaṃ vaṇṇayissāmi, suvisuddhamanākulaṃ;
សាធវោ តំ និសាមេថ, សក្កច្ចំ មម ភាសតោតិ។
Sādhavo taṃ nisāmetha, sakkaccaṃ mama bhāsatoti.
