| Library / Tipiṭaka / ติปิฎก • Tipiṭaka / วินยสงฺคห-อฎฺฐกถา • Vinayasaṅgaha-aṭṭhakathā |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
วินยปิฎเก
Vinayapiṭake
วินยสงฺคห-อฎฺฐกถา
Vinayasaṅgaha-aṭṭhakathā
คนฺถารมฺภกถา
Ganthārambhakathā
วตฺถุตฺตยํ นมสฺสิตฺวา, สรณํ สพฺพปาณินํ;
Vatthuttayaṃ namassitvā, saraṇaṃ sabbapāṇinaṃ;
วินเย ปาฎวตฺถาย, โยคาวจรภิกฺขุนํฯ
Vinaye pāṭavatthāya, yogāvacarabhikkhunaṃ.
วิปฺปกิณฺณมเนกตฺถ, ปาฬิมุตฺตวินิจฺฉยํ;
Vippakiṇṇamanekattha, pāḷimuttavinicchayaṃ;
สมาหริตฺวา เอกตฺถ, ทสฺสยิสฺสมนากุลํฯ
Samāharitvā ekattha, dassayissamanākulaṃ.
ตตฺรายํ มาติกา –
Tatrāyaṃ mātikā –
‘‘ทิวาเสยฺยา ปริกฺขาโร, เภสชฺชกรณมฺปิ จ;
‘‘Divāseyyā parikkhāro, bhesajjakaraṇampi ca;
ปริตฺตํ ปฎิสนฺถาโร, วิญฺญตฺติ กุลสงฺคโหฯ
Parittaṃ paṭisanthāro, viññatti kulasaṅgaho.
‘‘มจฺฉมํสํ อนามาสํ, อธิฎฺฐานวิกปฺปนํ;
‘‘Macchamaṃsaṃ anāmāsaṃ, adhiṭṭhānavikappanaṃ;
จีวเรนวินาวาโส, ภณฺฑสฺส ปฎิสามนํฯ
Cīvarenavināvāso, bhaṇḍassa paṭisāmanaṃ.
‘‘กยวิกฺกยสมาปตฺติ, รูปิยาทิปฎิคฺคโห;
‘‘Kayavikkayasamāpatti, rūpiyādipaṭiggaho;
ทานวิสฺสาสคฺคาเหหิ, ลาภสฺส ปริณามนํฯ
Dānavissāsaggāhehi, lābhassa pariṇāmanaṃ.
‘‘ปถวี ภูตคาโม จ, ทุวิธํ สหเสยฺยกํ;
‘‘Pathavī bhūtagāmo ca, duvidhaṃ sahaseyyakaṃ;
วิหาเร สงฺฆิเก เสยฺยํ, สนฺถริตฺวาน ปกฺกโมฯ
Vihāre saṅghike seyyaṃ, santharitvāna pakkamo.
‘‘กาลิกานิปิ จตฺตาริ, กปฺปิยา จตุภูมิโย;
‘‘Kālikānipi cattāri, kappiyā catubhūmiyo;
ขาทนียาทิปฎิคฺคาโห, ปฎิเกฺขปปวารณาฯ
Khādanīyādipaṭiggāho, paṭikkhepapavāraṇā.
‘‘ปพฺพชฺชา นิสฺสโย สีมา, อุโปสถปวารณํ;
‘‘Pabbajjā nissayo sīmā, uposathapavāraṇaṃ;
วสฺสูปนายิกา วตฺตํ, จตุปจฺจยภาชนํฯ
Vassūpanāyikā vattaṃ, catupaccayabhājanaṃ.
‘‘กถินํ ครุภณฺฑานิ, โจทนาทิวินิจฺฉโย;
‘‘Kathinaṃ garubhaṇḍāni, codanādivinicchayo;
ครุกาปตฺติวุฎฺฐานํ, กมฺมากมฺมํ ปกิณฺณก’’นฺติฯ
Garukāpattivuṭṭhānaṃ, kammākammaṃ pakiṇṇaka’’nti.
