| Library / Tipiṭaka / ติปิฎก • Tipiṭaka / เนตฺติวิภาวินี • Nettivibhāvinī |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
ขุทฺทกนิกาเย
Khuddakanikāye
เนตฺติวิภาวินี
Nettivibhāvinī
คนฺถารมฺภกถา
Ganthārambhakathā
ยชิตพฺพํ ยชิตฺวาน, นมิตพฺพํ นมามหํ;
Yajitabbaṃ yajitvāna, namitabbaṃ namāmahaṃ;
ยชนาทฺยานุภาเวน, อนฺตราเย ชหํ สทาฯ
Yajanādyānubhāvena, antarāye jahaṃ sadā.
เยน ยา รจิตา เนตฺติ, เยน สา อนุโมทิตา;
Yena yā racitā netti, yena sā anumoditā;
เยหิ สํวณฺณนา กตา, เตสานุภาวนิสฺสิโตฯ
Yehi saṃvaṇṇanā katā, tesānubhāvanissito.
กิญฺจิ กิญฺจิ สริตฺวาน, ลีนาลีนานุสนฺธฺยาทิํ;
Kiñci kiñci saritvāna, līnālīnānusandhyādiṃ;
กริสฺสํ ชินสุตฺตานํ, หิตํ เนตฺติวิภาวนํฯ
Karissaṃ jinasuttānaṃ, hitaṃ nettivibhāvanaṃ.
อปฺปเมยฺยคุโณ มหาธมฺมราชวฺหโย ภเว;
Appameyyaguṇo mahādhammarājavhayo bhave;
อจฺฉริโย อพฺภุโต โย, โพธิสมฺภารปูรโณฯ
Acchariyo abbhuto yo, bodhisambhārapūraṇo.
นานารฎฺฐิสฺสริสฺสโร, เสโฎฺฐ สาสนปคฺคโห;
Nānāraṭṭhissarissaro, seṭṭho sāsanapaggaho;
ปาสํสราชปาสํโส, นราจิเนฺตยฺยจินฺตโกฯ
Pāsaṃsarājapāsaṃso, narācinteyyacintako.
จินฺติตการโก ราชา, สิรฎฺฐิมาลปาลโก;
Cintitakārako rājā, siraṭṭhimālapālako;
อเชยฺยเชยฺยโก มหาเจตฺยาทิการโก สทาฯ
Ajeyyajeyyako mahācetyādikārako sadā.
อสฺสามเจฺจน พฺยเตฺตน, ชินจกฺกหิตตฺถินา;
Assāmaccena byattena, jinacakkahitatthinā;
อนนฺตสุตินาเมน, สกฺกจฺจํ อภิยาจิโตฯ
Anantasutināmena, sakkaccaṃ abhiyācito.
กามํ สํวณฺณนา กตา, เถราสเภหิ คมฺภีรา;
Kāmaṃ saṃvaṇṇanā katā, therāsabhehi gambhīrā;
คมฺภีรตฺตา ตุ ชานิตุํ, ชินปุเตฺตหิ ทุกฺกราฯ
Gambhīrattā tu jānituṃ, jinaputtehi dukkarā.
ตสฺมา ยาจิตานุรูเปน, กริสฺสํ สาทรํ สุณ;
Tasmā yācitānurūpena, karissaṃ sādaraṃ suṇa;
สิสฺสสิกฺขนยานุคํ, โยตฺตํ เนตฺติวิภาวนนฺติฯ
Sissasikkhanayānugaṃ, yottaṃ nettivibhāvananti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เนตฺติปฺปกรณ-อฎฺฐกถา • Nettippakaraṇa-aṭṭhakathā / คนฺถารมฺภกถา • Ganthārambhakathā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / ขุทฺทกนิกาย (ฎีกา) • Khuddakanikāya (ṭīkā) / เนตฺติปฺปกรณ-ฎีกา • Nettippakaraṇa-ṭīkā / คนฺถารมฺภกถาวณฺณนา • Ganthārambhakathāvaṇṇanā
