| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
ขุทฺทสิกฺขา-อภินวฎีกา
Khuddasikkhā-abhinavaṭīkā
คนฺถารมฺภกถา
Ganthārambhakathā
ติโลกติลกํ วเนฺท, สทฺธมฺมามตนิมฺมิตํ;
Tilokatilakaṃ vande, saddhammāmatanimmitaṃ;
สํสุฎฺฐุกตสมฺภตฺติํ, ชินํ ชนมโนรมํฯ
Saṃsuṭṭhukatasambhattiṃ, jinaṃ janamanoramaṃ.
สาริปุตฺตํ มหาสามิํ, เนกสตฺถวิสารทํ;
Sāriputtaṃ mahāsāmiṃ, nekasatthavisāradaṃ;
มหาคุณํ มหาปญฺญํ, นโม เม สิรสา ครุํฯ
Mahāguṇaṃ mahāpaññaṃ, namo me sirasā garuṃ.
ขุทฺทสิกฺขาย ฎีกา ยา, ปุราตนา สมีริตา;
Khuddasikkhāya ṭīkā yā, purātanā samīritā;
น ตาย สกฺกา สกฺกจฺจํ, อโตฺถ สพฺพตฺถ ญาตเวฯ
Na tāya sakkā sakkaccaṃ, attho sabbattha ñātave.
ตโตเนกคุณานํ โย, มญฺชูสา รตนานว;
Tatonekaguṇānaṃ yo, mañjūsā ratanānava;
สุมงฺคลสนาเมน, เตน ปญฺญวตา สตาฯ
Sumaṅgalasanāmena, tena paññavatā satā.
อเชฺฌสิโต ยติเนฺทน, สทารญฺญนิวาสินา;
Ajjhesito yatindena, sadāraññanivāsinā;
สวินิจฺฉยเมติสฺสา, กริสฺสามตฺถวณฺณนํฯ
Savinicchayametissā, karissāmatthavaṇṇanaṃ.
