| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
ขุทฺทสิกฺขา-ปุราณฎีกา
Khuddasikkhā-purāṇaṭīkā
คนฺถารมฺภกถา
Ganthārambhakathā
โย จิรํ ทีฆมทฺธานํ, วิทิตฺวา ทุกฺขิตํ ชนํ;
Yo ciraṃ dīghamaddhānaṃ, viditvā dukkhitaṃ janaṃ;
ตถาปิ นาวพุชฺฌนฺตมนุกมฺปาย โจทิโตฯ
Tathāpi nāvabujjhantamanukampāya codito.
โพธาย ปณิธิํ กตฺวา, ปโตฺต สโมฺพธิมุตฺตมํ;
Bodhāya paṇidhiṃ katvā, patto sambodhimuttamaṃ;
ตสฺส ปาเท นมสฺสิตฺวา, ธมฺมํ สงฺฆญฺจ สาธุกํฯ
Tassa pāde namassitvā, dhammaṃ saṅghañca sādhukaṃ.
ปุพฺพาจริยปาเทสุ, ฐเปตฺวา สีสมตฺตโน;
Pubbācariyapādesu, ṭhapetvā sīsamattano;
เถเรน ธมฺมสิรินา, ถิรสีเลน ยา กตาฯ
Therena dhammasirinā, thirasīlena yā katā.
‘‘อาทิโต อุปสมฺปนฺนสิกฺขิตพฺพ’’นฺติอาทินา;
‘‘Ādito upasampannasikkhitabba’’ntiādinā;
ขุทฺทสิกฺขา สมาเสน, ตสฺสา อตฺถวินิจฺฉยํฯ
Khuddasikkhā samāsena, tassā atthavinicchayaṃ.
ลิขิสฺสามิ หิตตฺถาย, อาทิกมฺมิกภิกฺขุนํ;
Likhissāmi hitatthāya, ādikammikabhikkhunaṃ;
ตตฺถ ยุตฺตํ คเหตพฺพมยุตฺตํ ตุชฺฌิตพฺพกนฺติ;
Tattha yuttaṃ gahetabbamayuttaṃ tujjhitabbakanti;
