| Library / Tipiṭaka / તિપિટક • Tipiṭaka / નેત્તિવિભાવિની • Nettivibhāvinī |
નમો તસ્સ ભગવતો અરહતો સમ્માસમ્બુદ્ધસ્સ
Namo tassa bhagavato arahato sammāsambuddhassa
ખુદ્દકનિકાયે
Khuddakanikāye
નેત્તિવિભાવિની
Nettivibhāvinī
ગન્થારમ્ભકથા
Ganthārambhakathā
યજિતબ્બં યજિત્વાન, નમિતબ્બં નમામહં;
Yajitabbaṃ yajitvāna, namitabbaṃ namāmahaṃ;
યજનાદ્યાનુભાવેન, અન્તરાયે જહં સદા.
Yajanādyānubhāvena, antarāye jahaṃ sadā.
યેન યા રચિતા નેત્તિ, યેન સા અનુમોદિતા;
Yena yā racitā netti, yena sā anumoditā;
યેહિ સંવણ્ણના કતા, તેસાનુભાવનિસ્સિતો.
Yehi saṃvaṇṇanā katā, tesānubhāvanissito.
કિઞ્ચિ કિઞ્ચિ સરિત્વાન, લીનાલીનાનુસન્ધ્યાદિં;
Kiñci kiñci saritvāna, līnālīnānusandhyādiṃ;
કરિસ્સં જિનસુત્તાનં, હિતં નેત્તિવિભાવનં.
Karissaṃ jinasuttānaṃ, hitaṃ nettivibhāvanaṃ.
અપ્પમેય્યગુણો મહાધમ્મરાજવ્હયો ભવે;
Appameyyaguṇo mahādhammarājavhayo bhave;
અચ્છરિયો અબ્ભુતો યો, બોધિસમ્ભારપૂરણો.
Acchariyo abbhuto yo, bodhisambhārapūraṇo.
નાનારટ્ઠિસ્સરિસ્સરો, સેટ્ઠો સાસનપગ્ગહો;
Nānāraṭṭhissarissaro, seṭṭho sāsanapaggaho;
પાસંસરાજપાસંસો, નરાચિન્તેય્યચિન્તકો.
Pāsaṃsarājapāsaṃso, narācinteyyacintako.
ચિન્તિતકારકો રાજા, સિરટ્ઠિમાલપાલકો;
Cintitakārako rājā, siraṭṭhimālapālako;
અજેય્યજેય્યકો મહાચેત્યાદિકારકો સદા.
Ajeyyajeyyako mahācetyādikārako sadā.
અસ્સામચ્ચેન બ્યત્તેન, જિનચક્કહિતત્થિના;
Assāmaccena byattena, jinacakkahitatthinā;
અનન્તસુતિનામેન, સક્કચ્ચં અભિયાચિતો.
Anantasutināmena, sakkaccaṃ abhiyācito.
કામં સંવણ્ણના કતા, થેરાસભેહિ ગમ્ભીરા;
Kāmaṃ saṃvaṇṇanā katā, therāsabhehi gambhīrā;
ગમ્ભીરત્તા તુ જાનિતું, જિનપુત્તેહિ દુક્કરા.
Gambhīrattā tu jānituṃ, jinaputtehi dukkarā.
તસ્મા યાચિતાનુરૂપેન, કરિસ્સં સાદરં સુણ;
Tasmā yācitānurūpena, karissaṃ sādaraṃ suṇa;
સિસ્સસિક્ખનયાનુગં, યોત્તં નેત્તિવિભાવનન્તિ.
Sissasikkhanayānugaṃ, yottaṃ nettivibhāvananti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / નેત્તિપ્પકરણ-અટ્ઠકથા • Nettippakaraṇa-aṭṭhakathā / ગન્થારમ્ભકથા • Ganthārambhakathā
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિપ્પકરણ-ટીકા • Nettippakaraṇa-ṭīkā / ગન્થારમ્ભકથાવણ્ણના • Ganthārambhakathāvaṇṇanā
