| Library / Tipiṭaka / તિપિટક • Tipiṭaka / ખુદ્દસિક્ખા-મૂલસિક્ખા • Khuddasikkhā-mūlasikkhā |
નમો તસ્સ ભગવતો અરહતો સમ્માસમ્બુદ્ધસ્સ
Namo tassa bhagavato arahato sammāsambuddhassa
ખુદ્દસિક્ખા-અભિનવટીકા
Khuddasikkhā-abhinavaṭīkā
ગન્થારમ્ભકથા
Ganthārambhakathā
તિલોકતિલકં વન્દે, સદ્ધમ્મામતનિમ્મિતં;
Tilokatilakaṃ vande, saddhammāmatanimmitaṃ;
સંસુટ્ઠુકતસમ્ભત્તિં, જિનં જનમનોરમં.
Saṃsuṭṭhukatasambhattiṃ, jinaṃ janamanoramaṃ.
સારિપુત્તં મહાસામિં, નેકસત્થવિસારદં;
Sāriputtaṃ mahāsāmiṃ, nekasatthavisāradaṃ;
મહાગુણં મહાપઞ્ઞં, નમો મે સિરસા ગરું.
Mahāguṇaṃ mahāpaññaṃ, namo me sirasā garuṃ.
ખુદ્દસિક્ખાય ટીકા યા, પુરાતના સમીરિતા;
Khuddasikkhāya ṭīkā yā, purātanā samīritā;
ન તાય સક્કા સક્કચ્ચં, અત્થો સબ્બત્થ ઞાતવે.
Na tāya sakkā sakkaccaṃ, attho sabbattha ñātave.
તતોનેકગુણાનં યો, મઞ્જૂસા રતનાનવ;
Tatonekaguṇānaṃ yo, mañjūsā ratanānava;
સુમઙ્ગલસનામેન, તેન પઞ્ઞવતા સતા.
Sumaṅgalasanāmena, tena paññavatā satā.
અજ્ઝેસિતો યતિન્દેન, સદારઞ્ઞનિવાસિના;
Ajjhesito yatindena, sadāraññanivāsinā;
સવિનિચ્છયમેતિસ્સા, કરિસ્સામત્થવણ્ણનં.
Savinicchayametissā, karissāmatthavaṇṇanaṃ.
