| Library / Tipiṭaka / તિપિટક • Tipiṭaka / સુત્તનિપાત-અટ્ઠકથા • Suttanipāta-aṭṭhakathā |
નમો તસ્સ ભગવતો અરહતો સમ્માસમ્બુદ્ધસ્સ
Namo tassa bhagavato arahato sammāsambuddhassa
ખુદ્દકનિકાયે
Khuddakanikāye
સુત્તનિપાત-અટ્ઠકથા
Suttanipāta-aṭṭhakathā
(પઠમો ભાગો)
(Paṭhamo bhāgo)
ગન્થારમ્ભકથા
Ganthārambhakathā
ઉત્તમં વન્દનેય્યાનં, વન્દિત્વા રતનત્તયં;
Uttamaṃ vandaneyyānaṃ, vanditvā ratanattayaṃ;
યો ખુદ્દકનિકાયમ્હિ, ખુદ્દાચારપ્પહાયિના.
Yo khuddakanikāyamhi, khuddācārappahāyinā.
દેસિતો લોકનાથેન, લોકનિસ્સરણેસિના;
Desito lokanāthena, lokanissaraṇesinā;
તસ્સ સુત્તનિપાતસ્સ, કરિસ્સામત્થવણ્ણનં.
Tassa suttanipātassa, karissāmatthavaṇṇanaṃ.
અયં સુત્તનિપાતો ચ, ખુદ્દકેસ્વેવ ઓગધો;
Ayaṃ suttanipāto ca, khuddakesveva ogadho;
યસ્મા તસ્મા ઇમસ્સાપિ, કરિસ્સામત્થવણ્ણનં.
Yasmā tasmā imassāpi, karissāmatthavaṇṇanaṃ.
ગાથાસતસમાકિણ્ણો, ગેય્યબ્યાકરણઙ્કિતો;
Gāthāsatasamākiṇṇo, geyyabyākaraṇaṅkito;
કસ્મા સુત્તનિપાતોતિ, સઙ્ખમેસ ગતોતિ ચે.
Kasmā suttanipātoti, saṅkhamesa gatoti ce.
સુવુત્તતો સવનતો, અત્થાનં સુટ્ઠુ તાણતો;
Suvuttato savanato, atthānaṃ suṭṭhu tāṇato;
સૂચના સૂદના ચેવ, યસ્મા સુત્તં પવુચ્ચતિ.
Sūcanā sūdanā ceva, yasmā suttaṃ pavuccati.
તથારૂપાનિ સુત્તાનિ, નિપાતેત્વા તતો તતો;
Tathārūpāni suttāni, nipātetvā tato tato;
સમૂહતો અયં તસ્મા, સઙ્ખમેવમુપાગતો.
Samūhato ayaṃ tasmā, saṅkhamevamupāgato.
સબ્બાનિ ચાપિ સુત્તાનિ, પમાણન્તેન તાદિનો;
Sabbāni cāpi suttāni, pamāṇantena tādino;
વચનાનિ અયં તેસં, નિપાતો ચ યતો તતો.
Vacanāni ayaṃ tesaṃ, nipāto ca yato tato.
અઞ્ઞસઙ્ખાનિમિત્તાનં, વિસેસાનમભાવતો;
Aññasaṅkhānimittānaṃ, visesānamabhāvato;
સઙ્ખં સુત્તનિપાતોતિ, એવમેવ સમજ્ઝગાતિ.
Saṅkhaṃ suttanipātoti, evameva samajjhagāti.
