| Library / Tipiṭaka / तिपिटक • Tipiṭaka / विनयविनिच्छय-उत्तरविनिच्छय • Vinayavinicchaya-uttaravinicchaya |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
उत्तरविनिच्छयो
Uttaravinicchayo
गन्थारम्भकथा
Ganthārambhakathā
१.
1.
सब्बसत्तुत्तमं धीरं, वन्दित्वा सिरसा जिनं।
Sabbasattuttamaṃ dhīraṃ, vanditvā sirasā jinaṃ;
धम्मञ्चाधम्मविद्धंसं, गणमङ्गणनासनं॥
Dhammañcādhammaviddhaṃsaṃ, gaṇamaṅgaṇanāsanaṃ.
२.
2.
यो मया रचितो सारो, विनयस्स विनिच्छयो।
Yo mayā racito sāro, vinayassa vinicchayo;
तस्स दानि करिस्सामि, सब्बानुत्तरमुत्तरं॥
Tassa dāni karissāmi, sabbānuttaramuttaraṃ.
३.
3.
भणतो पठतो पयुञ्जतो।
Bhaṇato paṭhato payuñjato;
सुणतो चिन्तयतो पनुत्तरं।
Suṇato cintayato panuttaraṃ;
परमं अबुद्ध बुद्धिवड्ढनं।
Paramaṃ abuddha buddhivaḍḍhanaṃ;
वदतो मे निरता निबोधथ॥
Vadato me niratā nibodhatha.
