| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
विनयपिटके
Vinayapiṭake
विमतिविनोदनी-टीका (पठमो भागो)
Vimativinodanī-ṭīkā (paṭhamo bhāgo)
गन्थारम्भकथा
Ganthārambhakathā
करुणापुण्णहदयं , सुगतं हितदायकं।
Karuṇāpuṇṇahadayaṃ , sugataṃ hitadāyakaṃ;
नत्वा धम्मञ्च विमलं, सङ्घञ्च गुणसम्पदं॥
Natvā dhammañca vimalaṃ, saṅghañca guṇasampadaṃ.
वण्णना निपुणाहेसुं, विनयट्ठकथाय या।
Vaṇṇanā nipuṇāhesuṃ, vinayaṭṭhakathāya yā;
पुब्बकेहि कता नेका, नानानयसमाकुला॥
Pubbakehi katā nekā, nānānayasamākulā.
तत्थ काचि सुवित्थिण्णा, दुक्खोगाहा च गन्थतो।
Tattha kāci suvitthiṇṇā, dukkhogāhā ca ganthato;
विरद्धा अत्थतो चापि, सद्दतो चापि कत्थचि॥
Viraddhā atthato cāpi, saddato cāpi katthaci.
काचि कत्थचि अपुण्णा, काचि सम्मोहकारिनी।
Kāci katthaci apuṇṇā, kāci sammohakārinī;
तस्मा ताहि समादाय, सारं सङ्खेपरूपतो॥
Tasmā tāhi samādāya, sāraṃ saṅkheparūpato.
लीनत्थञ्च पकासेन्तो, विरद्धञ्च विसोधयं।
Līnatthañca pakāsento, viraddhañca visodhayaṃ;
उपट्ठितनयञ्चापि, तत्थ तत्थ पकासयं॥
Upaṭṭhitanayañcāpi, tattha tattha pakāsayaṃ.
विनये विमतिं छेतुं, भिक्खूनं लहुवुत्तिनं।
Vinaye vimatiṃ chetuṃ, bhikkhūnaṃ lahuvuttinaṃ;
सङ्खेपेन लिखिस्सामि, तस्सा लीनत्थवण्णनं॥
Saṅkhepena likhissāmi, tassā līnatthavaṇṇanaṃ.
