| Library / Tipiṭaka / तिपिटक • Tipiṭaka / नेत्तिविभाविनी • Nettivibhāvinī |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
खुद्दकनिकाये
Khuddakanikāye
नेत्तिविभाविनी
Nettivibhāvinī
गन्थारम्भकथा
Ganthārambhakathā
यजितब्बं यजित्वान, नमितब्बं नमामहं।
Yajitabbaṃ yajitvāna, namitabbaṃ namāmahaṃ;
यजनाद्यानुभावेन, अन्तराये जहं सदा॥
Yajanādyānubhāvena, antarāye jahaṃ sadā.
येन या रचिता नेत्ति, येन सा अनुमोदिता।
Yena yā racitā netti, yena sā anumoditā;
येहि संवण्णना कता, तेसानुभावनिस्सितो॥
Yehi saṃvaṇṇanā katā, tesānubhāvanissito.
किञ्चि किञ्चि सरित्वान, लीनालीनानुसन्ध्यादिं।
Kiñci kiñci saritvāna, līnālīnānusandhyādiṃ;
करिस्सं जिनसुत्तानं, हितं नेत्तिविभावनं॥
Karissaṃ jinasuttānaṃ, hitaṃ nettivibhāvanaṃ.
अप्पमेय्यगुणो महाधम्मराजव्हयो भवे।
Appameyyaguṇo mahādhammarājavhayo bhave;
अच्छरियो अब्भुतो यो, बोधिसम्भारपूरणो॥
Acchariyo abbhuto yo, bodhisambhārapūraṇo.
नानारट्ठिस्सरिस्सरो, सेट्ठो सासनपग्गहो।
Nānāraṭṭhissarissaro, seṭṭho sāsanapaggaho;
पासंसराजपासंसो, नराचिन्तेय्यचिन्तको॥
Pāsaṃsarājapāsaṃso, narācinteyyacintako.
चिन्तितकारको राजा, सिरट्ठिमालपालको।
Cintitakārako rājā, siraṭṭhimālapālako;
अजेय्यजेय्यको महाचेत्यादिकारको सदा॥
Ajeyyajeyyako mahācetyādikārako sadā.
अस्सामच्चेन ब्यत्तेन, जिनचक्कहितत्थिना।
Assāmaccena byattena, jinacakkahitatthinā;
अनन्तसुतिनामेन, सक्कच्चं अभियाचितो॥
Anantasutināmena, sakkaccaṃ abhiyācito.
कामं संवण्णना कता, थेरासभेहि गम्भीरा।
Kāmaṃ saṃvaṇṇanā katā, therāsabhehi gambhīrā;
गम्भीरत्ता तु जानितुं, जिनपुत्तेहि दुक्करा॥
Gambhīrattā tu jānituṃ, jinaputtehi dukkarā.
तस्मा याचितानुरूपेन, करिस्सं सादरं सुण।
Tasmā yācitānurūpena, karissaṃ sādaraṃ suṇa;
सिस्ससिक्खनयानुगं, योत्तं नेत्तिविभावनन्ति॥
Sissasikkhanayānugaṃ, yottaṃ nettivibhāvananti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / नेत्तिप्पकरण-अट्ठकथा • Nettippakaraṇa-aṭṭhakathā / गन्थारम्भकथा • Ganthārambhakathā
टीका • Tīkā / सुत्तपिटक (टीका) • Suttapiṭaka (ṭīkā) / खुद्दकनिकाय (टीका) • Khuddakanikāya (ṭīkā) / नेत्तिप्पकरण-टीका • Nettippakaraṇa-ṭīkā / गन्थारम्भकथावण्णना • Ganthārambhakathāvaṇṇanā
