| Library / Tipiṭaka / तिपिटक • Tipiṭaka / खुद्दसिक्खा-मूलसिक्खा • Khuddasikkhā-mūlasikkhā |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
मूलसिक्खा-टीका
Mūlasikkhā-ṭīkā
गन्थारम्भकथा
Ganthārambhakathā
सब्बकामददं सब्बरतने रतनत्तयं।
Sabbakāmadadaṃ sabbaratane ratanattayaṃ;
उत्तमं उत्तमतरं, वन्दित्वा वन्दनारहं॥
Uttamaṃ uttamataraṃ, vanditvā vandanārahaṃ.
चरणे ब्रह्मचारीनं, आचरियानं सिरं मम।
Caraṇe brahmacārīnaṃ, ācariyānaṃ siraṃ mama;
ठपेत्वान करिस्सामि, मूलसिक्खत्थवण्णनं॥
Ṭhapetvāna karissāmi, mūlasikkhatthavaṇṇanaṃ.
