| Library / Tipiṭaka / तिपिटक • Tipiṭaka / खुद्दसिक्खा-मूलसिक्खा • Khuddasikkhā-mūlasikkhā |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
खुद्दसिक्खा-अभिनवटीका
Khuddasikkhā-abhinavaṭīkā
गन्थारम्भकथा
Ganthārambhakathā
तिलोकतिलकं वन्दे, सद्धम्मामतनिम्मितं।
Tilokatilakaṃ vande, saddhammāmatanimmitaṃ;
संसुट्ठुकतसम्भत्तिं, जिनं जनमनोरमं॥
Saṃsuṭṭhukatasambhattiṃ, jinaṃ janamanoramaṃ.
सारिपुत्तं महासामिं, नेकसत्थविसारदं।
Sāriputtaṃ mahāsāmiṃ, nekasatthavisāradaṃ;
महागुणं महापञ्ञं, नमो मे सिरसा गरुं॥
Mahāguṇaṃ mahāpaññaṃ, namo me sirasā garuṃ.
खुद्दसिक्खाय टीका या, पुरातना समीरिता।
Khuddasikkhāya ṭīkā yā, purātanā samīritā;
न ताय सक्का सक्कच्चं, अत्थो सब्बत्थ ञातवे॥
Na tāya sakkā sakkaccaṃ, attho sabbattha ñātave.
ततोनेकगुणानं यो, मञ्जूसा रतनानव।
Tatonekaguṇānaṃ yo, mañjūsā ratanānava;
सुमङ्गलसनामेन, तेन पञ्ञवता सता॥
Sumaṅgalasanāmena, tena paññavatā satā.
अज्झेसितो यतिन्देन, सदारञ्ञनिवासिना।
Ajjhesito yatindena, sadāraññanivāsinā;
सविनिच्छयमेतिस्सा, करिस्सामत्थवण्णनं॥
Savinicchayametissā, karissāmatthavaṇṇanaṃ.
