| Library / Tipiṭaka / तिपिटक • Tipiṭaka / सुत्तनिपात-अट्ठकथा • Suttanipāta-aṭṭhakathā |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
खुद्दकनिकाये
Khuddakanikāye
सुत्तनिपात-अट्ठकथा
Suttanipāta-aṭṭhakathā
(पठमो भागो)
(Paṭhamo bhāgo)
गन्थारम्भकथा
Ganthārambhakathā
उत्तमं वन्दनेय्यानं, वन्दित्वा रतनत्तयं।
Uttamaṃ vandaneyyānaṃ, vanditvā ratanattayaṃ;
यो खुद्दकनिकायम्हि, खुद्दाचारप्पहायिना॥
Yo khuddakanikāyamhi, khuddācārappahāyinā.
देसितो लोकनाथेन, लोकनिस्सरणेसिना।
Desito lokanāthena, lokanissaraṇesinā;
तस्स सुत्तनिपातस्स, करिस्सामत्थवण्णनं॥
Tassa suttanipātassa, karissāmatthavaṇṇanaṃ.
अयं सुत्तनिपातो च, खुद्दकेस्वेव ओगधो।
Ayaṃ suttanipāto ca, khuddakesveva ogadho;
यस्मा तस्मा इमस्सापि, करिस्सामत्थवण्णनं॥
Yasmā tasmā imassāpi, karissāmatthavaṇṇanaṃ.
गाथासतसमाकिण्णो, गेय्यब्याकरणङ्कितो।
Gāthāsatasamākiṇṇo, geyyabyākaraṇaṅkito;
कस्मा सुत्तनिपातोति, सङ्खमेस गतोति चे॥
Kasmā suttanipātoti, saṅkhamesa gatoti ce.
सुवुत्ततो सवनतो, अत्थानं सुट्ठु ताणतो।
Suvuttato savanato, atthānaṃ suṭṭhu tāṇato;
सूचना सूदना चेव, यस्मा सुत्तं पवुच्चति॥
Sūcanā sūdanā ceva, yasmā suttaṃ pavuccati.
तथारूपानि सुत्तानि, निपातेत्वा ततो ततो।
Tathārūpāni suttāni, nipātetvā tato tato;
समूहतो अयं तस्मा, सङ्खमेवमुपागतो॥
Samūhato ayaṃ tasmā, saṅkhamevamupāgato.
सब्बानि चापि सुत्तानि, पमाणन्तेन तादिनो।
Sabbāni cāpi suttāni, pamāṇantena tādino;
वचनानि अयं तेसं, निपातो च यतो ततो॥
Vacanāni ayaṃ tesaṃ, nipāto ca yato tato.
अञ्ञसङ्खानिमित्तानं, विसेसानमभावतो।
Aññasaṅkhānimittānaṃ, visesānamabhāvato;
सङ्खं सुत्तनिपातोति, एवमेव समज्झगाति॥
Saṅkhaṃ suttanipātoti, evameva samajjhagāti.
