| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
винаяавинижчаяадийгаа
Vinayavinicchayaṭīkā
(батамо бхааг̇о)
(Paṭhamo bhāgo)
г̇ант̇аарамбхагат̇аа
Ganthārambhakathā
(га)
(Ka)
аад̣̇ижжавам̣самб̣арабаад̇убхууд̇ам̣ ;
Ādiccavaṃsambarapātubhūtaṃ ;
б̣яаамаббабхааман̣д̣алад̣̇зважаабам̣;
Byāmappabhāmaṇḍaladevacāpaṃ;
д̇хаммамб̣униж̇жхаабид̇абаабагхаммам̣;
Dhammambunijjhāpitapāpaghammaṃ;
ванд̣̇аамахам̣ б̣уд̣̇д̇ха махамб̣уванд̇ам̣.
Vandāmahaṃ buddha mahambuvantaṃ.
(ка)
(Kha)
басаннаг̇амбхийрабад̣̇аал̣исод̇ам̣;
Pasannagambhīrapadāḷisotaṃ;
наанаанаяаананд̇ад̇аран̇г̇амаалам̣;
Nānānayānantataraṅgamālaṃ;
сийлаад̣̇иканд̇хаамид̇амажчаг̇умб̣ам̣ ;
Sīlādikhandhāmitamacchagumbaṃ ;
ванд̣̇аамахам̣ д̇хамма махаасаванд̇им̣.
Vandāmahaṃ dhamma mahāsavantiṃ.
(г̇а)
(Ga)
сийлорувзлам̣ д̇худ̇асан̇камаалам̣;
Sīloruvelaṃ dhutasaṅkhamālaṃ;
санд̇осад̇ояам̣ самат̇уумижид̇д̇ам̣;
Santosatoyaṃ samathūmicittaṃ;
бад̇хаанагижжам̣ ад̇хижид̇д̇асаарам̣;
Padhānakiccaṃ adhicittasāraṃ;
ванд̣̇аамахам̣ сан̇гха махаасамуд̣̇д̣̇ам̣.
Vandāmahaṃ saṅgha mahāsamuddaṃ.
(гха)
(Gha)
яз д̇анд̇ид̇хаммам̣ мунирааж̇абуд̇д̇аа;
Ye tantidhammaṃ munirājaputtā;
яааваж̇ж̇агаалам̣ барибаалаяанд̇аа;
Yāvajjakālaṃ paripālayantā;
сам̣ван̣н̣анам̣ ниммаламаанаяим̣су;
Saṃvaṇṇanaṃ nimmalamānayiṃsu;
д̇з буб̣б̣агз жаажарияз намаами.
Te pubbake cācariye namāmi.
(н̇а)
(Ṅa)
яо д̇хаммасзнаабад̇ид̇уляанаамо;
Yo dhammasenāpatitulyanāmo;
д̇ат̇уубамо сийхал̣ад̣̇ийбад̣̇ийбо;
Tathūpamo sīhaḷadīpadīpo;
мамам̣ махаасаамимахааяад̇инд̣̇о;
Mamaṃ mahāsāmimahāyatindo;
баабзси вуд̣дхим̣ ж̇инасаасанамхи.
Pāpesi vuḍḍhiṃ jinasāsanamhi.
(жа)
(Ca)
дийгаа гад̇аа адтагат̇ааяа язна;
Ṭīkā katā aṭṭhakathāya yena;
саманд̇абаасаад̣̇иганаамигааяа;
Samantapāsādikanāmikāya;
ан̇г̇уд̇д̇арааяадтагат̇ааяа жзва;
Aṅguttarāyaṭṭhakathāya ceva;
сад̇т̇анд̇арассааби жа ж̇од̇исад̇т̇ам̣.
Satthantarassāpi ca jotisatthaṃ.
(ча)
(Cha)
нигааяасаамаг̇г̇ивид̇хааяагзна;
Nikāyasāmaggividhāyakena;
ран̃н̃аа барагганд̇ибхуж̇зна саммаа;
Raññā parakkantibhujena sammā;
лан̇гиссарзнааби гад̇обахаарам̣;
Laṅkissarenāpi katopahāraṃ;
ванд̣̇з г̇арум̣ г̇ааравабхааж̇анам̣ д̇ам̣.
Vande garuṃ gāravabhājanaṃ taṃ.
(ж̇а)
(Ja)
намассамаанохамалад̇т̇амзвам̣ ;
Namassamānohamalatthamevaṃ ;
вад̇т̇уд̇д̇аяам̣ ванд̣̇ид̇аванд̣̇анзяяам̣;
Vatthuttayaṃ vanditavandaneyyaṃ;
яам̣ бун̃н̃асанд̣̇охамаманд̣̇абхууд̇ам̣;
Yaṃ puññasandohamamandabhūtaṃ;
д̇ассаанубхаавзна хад̇анд̇арааяо.
Tassānubhāvena hatantarāyo.
(жха)
(Jha)
яо б̣уд̣̇д̇хагхосаажарияаасабхзна;
Yo buddhaghosācariyāsabhena;
вин̃н̃уббасад̇т̇знаби суббасад̇т̇о;
Viññuppasatthenapi suppasattho;
со б̣уд̣̇д̇хад̣̇ад̇д̇аажарияаабхид̇хаано;
So buddhadattācariyābhidhāno;
махаагавий т̇зрияавам̣сад̣̇ийбо.
Mahākavī theriyavaṃsadīpo.
(н̃а)
(Ña)
агааси яам̣ винаяавинижчаяавхаяам̣;
Akāsi yaṃ vinayavinicchayavhayaṃ;
сауд̇д̇арам̣ багаран̣амуд̇д̇амам̣ хид̇ам̣;
Sauttaraṃ pakaraṇamuttamaṃ hitaṃ;
абзгкад̇ам̣ винаяанаязсу баадавам̣;
Apekkhataṃ vinayanayesu pāṭavaṃ;
бурааси яам̣ виваран̣амасса сийхал̣ам̣.
Purāsi yaṃ vivaraṇamassa sīhaḷaṃ.
(да)
(Ṭa)
яасмаа на д̣̇ийбанд̇аригаанамад̇т̇ам̣;
Yasmā na dīpantarikānamatthaṃ;
саад̇хзд̇и бхигкуунамасзсад̇о д̇ам̣;
Sādheti bhikkhūnamasesato taṃ;
д̇асмаа хи саб̣б̣ад̇т̇а яад̇ийнамад̇т̇ам̣;
Tasmā hi sabbattha yatīnamatthaṃ;
аасийсамаанзна д̣̇аяаалаязна.
Āsīsamānena dayālayena.
(та)
(Ṭha)
суман̇г̇алад̇т̇зраварзна яасмаа;
Sumaṅgalattheravarena yasmā;
саггажжа галяаан̣аманорат̇зна;
Sakkacca kalyāṇamanorathena;
наяан̃н̃унааран̃н̃аниваасигзна;
Nayaññunāraññanivāsikena;
аж̇жхзсид̇о саад̇хуг̇ун̣аагарзна.
Ajjhesito sādhuguṇākarena.
(д̣а)
(Ḍa)
ааган̇камаанзна жираббавад̇д̇им̣;
Ākaṅkhamānena cirappavattiṃ;
д̇хаммасса д̇хаммиссарад̣̇зсид̇асса;
Dhammassa dhammissaradesitassa;
жол̣аббад̣̇ийбзна жа б̣уд̣̇д̇хамид̇д̇а-
Coḷappadīpena ca buddhamitta-
д̇т̇зрзна сад̣̇д̇хаад̣̇иг̇ун̣од̣̇ид̇зна.
Ttherena saddhādiguṇoditena.
(дха)
(Ḍha)
д̇ат̇аа махаагассабаавхаязна;
Tathā mahākassapaavhayena;
т̇зрзна сигкаасу саг̇ааравзна;
Therena sikkhāsu sagāravena;
гуд̣̇идтимад̇д̇збхавид̣̇аарагзна;
Kudiṭṭhimattebhavidārakena;
сийхзна жол̣ааванибууж̇ид̇зна.
Sīhena coḷāvanipūjitena.
(н̣а)
(Ṇa)
яо д̇хаммагид̇д̇ийд̇и басад̇т̇анаамо;
Yo dhammakittīti pasatthanāmo;
д̇знааби сад̣̇д̇хзна убаасагзна;
Tenāpi saddhena upāsakena;
сийлаад̣̇инаанааг̇ун̣аман̣д̣ид̇зна;
Sīlādinānāguṇamaṇḍitena;
сад̣̇д̇хаммагаамзнид̇ха бан̣д̣ид̇зна.
Saddhammakāmenidha paṇḍitena.
(д̇а)
(Ta)
сад̣̇д̇хзна бан̃н̃аан̣авад̇аа вал̣ад̇д̇аа-;
Saddhena paññāṇavatā vaḷattā-;
ман̇г̇аляавам̣сзна махааяасзна;
Maṅgalyavaṃsena mahāyasena;
ааяаажид̇о ваан̣иж̇абхаан̣унааби;
Āyācito vāṇijabhāṇunāpi;
варан̃н̃унаа саад̇хуг̇ун̣од̣̇аязна.
Varaññunā sādhuguṇodayena.
(т̇а)
(Tha)
д̇асмаа д̇амааробияа баал̣ибхаасам̣;
Tasmā tamāropiya pāḷibhāsaṃ;
ниссааяа буб̣б̣аажарияобад̣̇зсам̣;
Nissāya pubbācariyopadesaṃ;
хид̇ваа нигааяанд̇аралад̣̇д̇хид̣̇осам̣;
Hitvā nikāyantaraladdhidosaṃ;
гад̇ваад̇ивид̇т̇ааранаяам̣ самаасам̣.
Katvātivitthāranayaṃ samāsaṃ.
(д̣̇а)
(Da)
авуд̇д̇амад̇т̇ан̃жа багаасаяанд̇о;
Avuttamatthañca pakāsayanto;
баатаггаман̃жааби авоггаманд̇о;
Pāṭhakkamañcāpi avokkamanto;
сам̣ван̣н̣аяиссаами д̇ад̣̇ад̇т̇асаарам̣;
Saṃvaṇṇayissāmi tadatthasāraṃ;
аад̣̇ааяа г̇ант̇анд̇арад̇оби саарам̣.
Ādāya ganthantaratopi sāraṃ.
(д̇ха)
(Dha)
жирадтид̇им̣ бад̇т̇аяад̇аа ж̇анаанам̣;
Ciraṭṭhitiṃ patthayatā janānaṃ;
хид̇аавахассаамаласаасанасса;
Hitāvahassāmalasāsanassa;
маяаа самаасзна вид̇хийяамаанам̣;
Mayā samāsena vidhīyamānaṃ;
сам̣ван̣н̣анам̣ саад̇ху сун̣анд̇у санд̇од̇и.
Saṃvaṇṇanaṃ sādhu suṇantu santoti.
