| Library / Tipiṭaka / তিপিটক • Tipiṭaka / ৰিনযৰিনিচ্ছয-উত্তরৰিনিচ্ছয • Vinayavinicchaya-uttaravinicchaya |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
উত্তরৰিনিচ্ছযো
Uttaravinicchayo
গন্থারম্ভকথা
Ganthārambhakathā
১.
1.
সব্বসত্তুত্তমং ধীরং, ৰন্দিত্ৰা সিরসা জিনং।
Sabbasattuttamaṃ dhīraṃ, vanditvā sirasā jinaṃ;
ধম্মঞ্চাধম্মৰিদ্ধংসং, গণমঙ্গণনাসনং॥
Dhammañcādhammaviddhaṃsaṃ, gaṇamaṅgaṇanāsanaṃ.
২.
2.
যো মযা রচিতো সারো, ৰিনযস্স ৰিনিচ্ছযো।
Yo mayā racito sāro, vinayassa vinicchayo;
তস্স দানি করিস্সামি, সব্বানুত্তরমুত্তরং॥
Tassa dāni karissāmi, sabbānuttaramuttaraṃ.
৩.
3.
ভণতো পঠতো পযুঞ্জতো।
Bhaṇato paṭhato payuñjato;
সুণতো চিন্তযতো পনুত্তরং।
Suṇato cintayato panuttaraṃ;
পরমং অবুদ্ধ বুদ্ধিৰড্ঢনং।
Paramaṃ abuddha buddhivaḍḍhanaṃ;
ৰদতো মে নিরতা নিবোধথ॥
Vadato me niratā nibodhatha.
