| Library / Tipiṭaka / তিপিটক • Tipiṭaka / নেত্তিৰিভাৰিনী • Nettivibhāvinī |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
খুদ্দকনিকাযে
Khuddakanikāye
নেত্তিৰিভাৰিনী
Nettivibhāvinī
গন্থারম্ভকথা
Ganthārambhakathā
যজিতব্বং যজিত্ৰান, নমিতব্বং নমামহং।
Yajitabbaṃ yajitvāna, namitabbaṃ namāmahaṃ;
যজনাদ্যানুভাৰেন, অন্তরাযে জহং সদা॥
Yajanādyānubhāvena, antarāye jahaṃ sadā.
যেন যা রচিতা নেত্তি, যেন সা অনুমোদিতা।
Yena yā racitā netti, yena sā anumoditā;
যেহি সংৰণ্ণনা কতা, তেসানুভাৰনিস্সিতো॥
Yehi saṃvaṇṇanā katā, tesānubhāvanissito.
কিঞ্চি কিঞ্চি সরিত্ৰান, লীনালীনানুসন্ধ্যাদিং।
Kiñci kiñci saritvāna, līnālīnānusandhyādiṃ;
করিস্সং জিনসুত্তানং, হিতং নেত্তিৰিভাৰনং॥
Karissaṃ jinasuttānaṃ, hitaṃ nettivibhāvanaṃ.
অপ্পমেয্যগুণো মহাধম্মরাজৰ্হযো ভৰে।
Appameyyaguṇo mahādhammarājavhayo bhave;
অচ্ছরিযো অব্ভুতো যো, বোধিসম্ভারপূরণো॥
Acchariyo abbhuto yo, bodhisambhārapūraṇo.
নানারট্ঠিস্সরিস্সরো, সেট্ঠো সাসনপগ্গহো।
Nānāraṭṭhissarissaro, seṭṭho sāsanapaggaho;
পাসংসরাজপাসংসো, নরাচিন্তেয্যচিন্তকো॥
Pāsaṃsarājapāsaṃso, narācinteyyacintako.
চিন্তিতকারকো রাজা, সিরট্ঠিমালপালকো।
Cintitakārako rājā, siraṭṭhimālapālako;
অজেয্যজেয্যকো মহাচেত্যাদিকারকো সদা॥
Ajeyyajeyyako mahācetyādikārako sadā.
অস্সামচ্চেন ব্যত্তেন, জিনচক্কহিতত্থিনা।
Assāmaccena byattena, jinacakkahitatthinā;
অনন্তসুতিনামেন, সক্কচ্চং অভিযাচিতো॥
Anantasutināmena, sakkaccaṃ abhiyācito.
কামং সংৰণ্ণনা কতা, থেরাসভেহি গম্ভীরা।
Kāmaṃ saṃvaṇṇanā katā, therāsabhehi gambhīrā;
গম্ভীরত্তা তু জানিতুং, জিনপুত্তেহি দুক্করা॥
Gambhīrattā tu jānituṃ, jinaputtehi dukkarā.
তস্মা যাচিতানুরূপেন, করিস্সং সাদরং সুণ।
Tasmā yācitānurūpena, karissaṃ sādaraṃ suṇa;
সিস্সসিক্খনযানুগং, যোত্তং নেত্তিৰিভাৰনন্তি॥
Sissasikkhanayānugaṃ, yottaṃ nettivibhāvananti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / নেত্তিপ্পকরণ-অট্ঠকথা • Nettippakaraṇa-aṭṭhakathā / গন্থারম্ভকথা • Ganthārambhakathā
টীকা • Tīkā / সুত্তপিটক (টীকা) • Suttapiṭaka (ṭīkā) / খুদ্দকনিকায (টীকা) • Khuddakanikāya (ṭīkā) / নেত্তিপ্পকরণ-টীকা • Nettippakaraṇa-ṭīkā / গন্থারম্ভকথাৰণ্ণনা • Ganthārambhakathāvaṇṇanā
