| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
কঙ্খাৰিতরণী-অভিনৰটীকা
Kaṅkhāvitaraṇī-abhinavaṭīkā
গন্থারম্ভকথা
Ganthārambhakathā
তিলোকতিলকং বুদ্ধং, ৰন্দে সুদ্ধগুণাকরং।
Tilokatilakaṃ buddhaṃ, vande suddhaguṇākaraṃ;
করুণাসীতলীভূত-হদযং মহিতোদযং॥
Karuṇāsītalībhūta-hadayaṃ mahitodayaṃ.
তেনাপি ধম্মরাজেন, লোকেকাচরিযেন যো।
Tenāpi dhammarājena, lokekācariyena yo;
পূজিতো তঞ্চ সদ্ধম্মং, ৰন্দে গম্ভীরমুত্তমং॥
Pūjito tañca saddhammaṃ, vande gambhīramuttamaṃ.
মুনিন্দচন্দসদ্ধম্ম-রংসীহি ৰিমলেহি যো।
Munindacandasaddhamma-raṃsīhi vimalehi yo;
বোধিতোহং সদা ৰন্দে, তং সঙ্ঘং কুমুদাকরং॥
Bodhitohaṃ sadā vande, taṃ saṅghaṃ kumudākaraṃ.
ৰিনযে নযগম্ভীরে, সব্বথা পারদস্সিনা।
Vinaye nayagambhīre, sabbathā pāradassinā;
ৰাদিনা দুত্তরাগাধ-সব্বসত্থমহণ্ণৰে॥
Vādinā duttarāgādha-sabbasatthamahaṇṇave.
যা কতা বুদ্ধঘোসেন, থেরেন থিরচেতসা।
Yā katā buddhaghosena, therena thiracetasā;
কঙ্খাৰিতরণী নাম, মাতিকট্ঠকথা সুভা॥
Kaṅkhāvitaraṇī nāma, mātikaṭṭhakathā subhā.
থিরানেকগুণোঘেন, থেরেন ৰিনযঞ্ঞুনা।
Thirānekaguṇoghena, therena vinayaññunā;
কল্যাণাচারযুত্তেন, ধীমতা মুনিসূনুনা।
Kalyāṇācārayuttena, dhīmatā munisūnunā;
ৰিনযট্ঠিতিকামেন, সুমেধেনাভিযাচিতো॥
Vinayaṭṭhitikāmena, sumedhenābhiyācito.
তমহং ৰণ্ণযিস্সামি, সুৰিসুদ্ধমনাকুলং।
Tamahaṃ vaṇṇayissāmi, suvisuddhamanākulaṃ;
সাধৰো তং নিসামেথ, সক্কচ্চং মম ভাসতোতি॥
Sādhavo taṃ nisāmetha, sakkaccaṃ mama bhāsatoti.
