| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. ගන්ධොදකියත්ථෙරඅපදානං
4. Gandhodakiyattheraapadānaṃ
25.
25.
‘‘පදුමුත්තරබුද්ධස්ස , මහාබොධිමහො අහු;
‘‘Padumuttarabuddhassa , mahābodhimaho ahu;
විචිත්තං ඝටමාදාය, ගන්ධොදකමදාසහං.
Vicittaṃ ghaṭamādāya, gandhodakamadāsahaṃ.
26.
26.
‘‘න්හානකාලෙ ච බොධියා, මහාමෙඝො පවස්සථ;
‘‘Nhānakāle ca bodhiyā, mahāmegho pavassatha;
නින්නාදො ච මහා ආසි, අසනියා ඵලන්තියා.
Ninnādo ca mahā āsi, asaniyā phalantiyā.
27.
27.
දෙවලොකෙ ඨිතො සන්තො, ඉමා ගාථා අභාසහං.
Devaloke ṭhito santo, imā gāthā abhāsahaṃ.
28.
28.
‘‘‘අහො බුද්ධො අහො ධම්මො, අහො නො සත්ථුසම්පදා;
‘‘‘Aho buddho aho dhammo, aho no satthusampadā;
29.
29.
‘‘‘උබ්බිද්ධං භවනං මය්හං, සතභූමං සමුග්ගතං;
‘‘‘Ubbiddhaṃ bhavanaṃ mayhaṃ, satabhūmaṃ samuggataṃ;
කඤ්ඤාසතසහස්සානි, පරිවාරෙන්ති මං සදා.
Kaññāsatasahassāni, parivārenti maṃ sadā.
30.
30.
‘‘‘ආබාධා මෙ න විජ්ජන්ති, සොකො මය්හං න විජ්ජති;
‘‘‘Ābādhā me na vijjanti, soko mayhaṃ na vijjati;
පරිළාහං න පස්සාමි, පුඤ්ඤකම්මස්සිදං ඵලං.
Pariḷāhaṃ na passāmi, puññakammassidaṃ phalaṃ.
31.
31.
‘‘‘අට්ඨවීසෙ කප්පසතෙ, රාජා සංවසිතො අහුං;
‘‘‘Aṭṭhavīse kappasate, rājā saṃvasito ahuṃ;
සත්තරතනසම්පන්නො, චක්කවත්තී මහබ්බලො’.
Sattaratanasampanno, cakkavattī mahabbalo’.
32.
32.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා ගන්ධොදකියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā gandhodakiyo thero imā gāthāyo abhāsitthāti.
ගන්ධොදකියත්ථෙරස්සාපදානං චතුත්ථං.
Gandhodakiyattherassāpadānaṃ catutthaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 4. ගන්ධොදකියත්ථෙරඅපදානවණ්ණනා • 4. Gandhodakiyattheraapadānavaṇṇanā
