| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
5. க³ந்த⁴மாலியத்தே²ரஅபதா³னங்
5. Gandhamāliyattheraapadānaṃ
24.
24.
‘‘ஸித்³த⁴த்த²ஸ்ஸ ப⁴க³வதோ, க³ந்த⁴தூ²பங் அகாஸஹங்;
‘‘Siddhatthassa bhagavato, gandhathūpaṃ akāsahaṃ;
ஸுமனேஹி படிச்ச²ன்னங், பு³த்³தா⁴னுச்ச²விகங் கதங்.
Sumanehi paṭicchannaṃ, buddhānucchavikaṃ kataṃ.
25.
25.
‘‘கஞ்சனக்³கி⁴யஸங்காஸங், பு³த்³த⁴ங் லோகக்³க³னாயகங்;
‘‘Kañcanagghiyasaṅkāsaṃ, buddhaṃ lokagganāyakaṃ;
இந்தீ³வரங்வ ஜலிதங், ஆதி³த்தங்வ ஹுதாஸனங்.
Indīvaraṃva jalitaṃ, ādittaṃva hutāsanaṃ.
26.
26.
‘‘ப்³யக்³கூ⁴ஸப⁴ங்வ பவரங், அபி⁴ஜாதங்வ கேஸரிங்;
‘‘Byagghūsabhaṃva pavaraṃ, abhijātaṃva kesariṃ;
நிஸின்னங் ஸமணானக்³க³ங், பி⁴க்கு²ஸங்க⁴புரக்க²தங்.
Nisinnaṃ samaṇānaggaṃ, bhikkhusaṅghapurakkhataṃ.
27.
27.
‘‘வந்தி³த்வா ஸத்து²னோ பாதே³, பக்காமிங் உத்தராமுகோ²;
‘‘Vanditvā satthuno pāde, pakkāmiṃ uttarāmukho;
சதுன்னவுதிதோ கப்பே, க³ந்த⁴மாலங் யதோ அத³ங்.
Catunnavutito kappe, gandhamālaṃ yato adaṃ.
28.
28.
‘‘பு³த்³தே⁴ கதஸ்ஸ காரஸ்ஸ, ப²லேனாஹங் விஸேஸதோ;
‘‘Buddhe katassa kārassa, phalenāhaṃ visesato;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
29.
29.
‘‘சத்தாரீஸம்ஹி ஏகூனே, கப்பே ஆஸிங்ஸு ஸோளஸ;
‘‘Cattārīsamhi ekūne, kappe āsiṃsu soḷasa;
தே³வக³ந்த⁴ஸனாமா தே, ராஜானோ சக்கவத்தினோ.
Devagandhasanāmā te, rājāno cakkavattino.
30.
30.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா க³ந்த⁴மாலியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā gandhamāliyo thero imā gāthāyo abhāsitthāti.
க³ந்த⁴மாலியத்தே²ரஸ்ஸாபதா³னங் பஞ்சமங்.
Gandhamāliyattherassāpadānaṃ pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 5. க³ந்த⁴மாலியத்தே²ரஅபதா³னவண்ணனா • 5. Gandhamāliyattheraapadānavaṇṇanā
