| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൮. അട്ഠാരസമവഗ്ഗോ
18. Aṭṭhārasamavaggo
(൧൮൦) ൪. ഗന്ധജാതികഥാ
(180) 4. Gandhajātikathā
൮൦൯. ബുദ്ധസ്സ ഭഗവതോ ഉച്ചാരപസ്സാവോ അതിവിയ അഞ്ഞേ ഗന്ധജാതേ അധിഗ്ഗണ്ഹാതീതി ? ആമന്താ. ഭഗവാ ഗന്ധഭോജീതി? ന ഹേവം വത്തബ്ബേ…പേ॰… നനു ഭഗവാ ഓദനകുമ്മാസം ഭുഞ്ജതീതി? ആമന്താ. ഹഞ്ചി ഭഗവാ ഓദനകുമ്മാസം ഭുഞ്ജതി, നോ ച വത രേ വത്തബ്ബേ – ‘‘ബുദ്ധസ്സ ഭഗവതോ ഉച്ചാരപസ്സാവോ അതിവിയ അഞ്ഞേ ഗന്ധജാതേ അധിഗ്ഗണ്ഹാതീ’’തി.
809. Buddhassa bhagavato uccārapassāvo ativiya aññe gandhajāte adhiggaṇhātīti ? Āmantā. Bhagavā gandhabhojīti? Na hevaṃ vattabbe…pe… nanu bhagavā odanakummāsaṃ bhuñjatīti? Āmantā. Hañci bhagavā odanakummāsaṃ bhuñjati, no ca vata re vattabbe – ‘‘buddhassa bhagavato uccārapassāvo ativiya aññe gandhajāte adhiggaṇhātī’’ti.
ബുദ്ധസ്സ ഭഗവതോ ഉച്ചാരപസ്സാവോ അതിവിയ അഞ്ഞേ ഗന്ധജാതേ അധിഗ്ഗണ്ഹാതീതി? ആമന്താ. അത്ഥി കേചി ബുദ്ധസ്സ ഭഗവതോ ഉച്ചാരപസ്സാവം ന്ഹായന്തി വിലിമ്പന്തി ഉച്ഛാദേന്തി 1 പേളായ പടിസാമേന്തി കരണ്ഡായ നിക്ഖിപന്തി ആപണേ പസാരേന്തി, തേന ച ഗന്ധേന ഗന്ധകരണീയം കരോന്തീതി? ന ഹേവം വത്തബ്ബേ…പേ॰….
Buddhassa bhagavato uccārapassāvo ativiya aññe gandhajāte adhiggaṇhātīti? Āmantā. Atthi keci buddhassa bhagavato uccārapassāvaṃ nhāyanti vilimpanti ucchādenti 2 peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṃ karontīti? Na hevaṃ vattabbe…pe….
ഗന്ധജാതികഥാ നിട്ഠിതാ.
Gandhajātikathā niṭṭhitā.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. ഗന്ധജാതകഥാവണ്ണനാ • 4. Gandhajātakathāvaṇṇanā
