| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༨. ཨཊྛཱརསམཝགྒོ
18. Aṭṭhārasamavaggo
(༡༨༠) ༤. གནྡྷཛཱཏིཀཐཱ
(180) 4. Gandhajātikathā
༨༠༩. བུདྡྷསྶ བྷགཝཏོ ཨུཙྩཱརཔསྶཱཝོ ཨཏིཝིཡ ཨཉྙེ གནྡྷཛཱཏེ ཨདྷིགྒཎྷཱཏཱིཏི ? ཨཱམནྟཱ། བྷགཝཱ གནྡྷབྷོཛཱིཏི? ན ཧེཝཾ ཝཏྟབྦེ…པེ॰… ནནུ བྷགཝཱ ཨོདནཀུམྨཱསཾ བྷུཉྫཏཱིཏི? ཨཱམནྟཱ། ཧཉྩི བྷགཝཱ ཨོདནཀུམྨཱསཾ བྷུཉྫཏི, ནོ ཙ ཝཏ རེ ཝཏྟབྦེ – ‘‘བུདྡྷསྶ བྷགཝཏོ ཨུཙྩཱརཔསྶཱཝོ ཨཏིཝིཡ ཨཉྙེ གནྡྷཛཱཏེ ཨདྷིགྒཎྷཱཏཱི’’ཏི།
809. Buddhassa bhagavato uccārapassāvo ativiya aññe gandhajāte adhiggaṇhātīti ? Āmantā. Bhagavā gandhabhojīti? Na hevaṃ vattabbe…pe… nanu bhagavā odanakummāsaṃ bhuñjatīti? Āmantā. Hañci bhagavā odanakummāsaṃ bhuñjati, no ca vata re vattabbe – ‘‘buddhassa bhagavato uccārapassāvo ativiya aññe gandhajāte adhiggaṇhātī’’ti.
བུདྡྷསྶ བྷགཝཏོ ཨུཙྩཱརཔསྶཱཝོ ཨཏིཝིཡ ཨཉྙེ གནྡྷཛཱཏེ ཨདྷིགྒཎྷཱཏཱིཏི? ཨཱམནྟཱ། ཨཏྠི ཀེཙི བུདྡྷསྶ བྷགཝཏོ ཨུཙྩཱརཔསྶཱཝཾ ནྷཱཡནྟི ཝིལིམྤནྟི ཨུཙྪཱདེནྟི 1 པེལཱ༹ཡ པཊིསཱམེནྟི ཀརཎྜཱཡ ནིཀྑིཔནྟི ཨཱཔཎེ པསཱརེནྟི, ཏེན ཙ གནྡྷེན གནྡྷཀརཎཱིཡཾ ཀརོནྟཱིཏི? ན ཧེཝཾ ཝཏྟབྦེ…པེ॰…།
Buddhassa bhagavato uccārapassāvo ativiya aññe gandhajāte adhiggaṇhātīti? Āmantā. Atthi keci buddhassa bhagavato uccārapassāvaṃ nhāyanti vilimpanti ucchādenti 2 peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṃ karontīti? Na hevaṃ vattabbe…pe….
གནྡྷཛཱཏིཀཐཱ ནིཊྛིཏཱ།
Gandhajātikathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༤. གནྡྷཛཱཏཀཐཱཝཎྞནཱ • 4. Gandhajātakathāvaṇṇanā
