| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೮. ಅಟ್ಠಾರಸಮವಗ್ಗೋ
18. Aṭṭhārasamavaggo
(೧೮೦) ೪. ಗನ್ಧಜಾತಿಕಥಾ
(180) 4. Gandhajātikathā
೮೦೯. ಬುದ್ಧಸ್ಸ ಭಗವತೋ ಉಚ್ಚಾರಪಸ್ಸಾವೋ ಅತಿವಿಯ ಅಞ್ಞೇ ಗನ್ಧಜಾತೇ ಅಧಿಗ್ಗಣ್ಹಾತೀತಿ ? ಆಮನ್ತಾ। ಭಗವಾ ಗನ್ಧಭೋಜೀತಿ? ನ ಹೇವಂ ವತ್ತಬ್ಬೇ…ಪೇ॰… ನನು ಭಗವಾ ಓದನಕುಮ್ಮಾಸಂ ಭುಞ್ಜತೀತಿ? ಆಮನ್ತಾ। ಹಞ್ಚಿ ಭಗವಾ ಓದನಕುಮ್ಮಾಸಂ ಭುಞ್ಜತಿ, ನೋ ಚ ವತ ರೇ ವತ್ತಬ್ಬೇ – ‘‘ಬುದ್ಧಸ್ಸ ಭಗವತೋ ಉಚ್ಚಾರಪಸ್ಸಾವೋ ಅತಿವಿಯ ಅಞ್ಞೇ ಗನ್ಧಜಾತೇ ಅಧಿಗ್ಗಣ್ಹಾತೀ’’ತಿ।
809. Buddhassa bhagavato uccārapassāvo ativiya aññe gandhajāte adhiggaṇhātīti ? Āmantā. Bhagavā gandhabhojīti? Na hevaṃ vattabbe…pe… nanu bhagavā odanakummāsaṃ bhuñjatīti? Āmantā. Hañci bhagavā odanakummāsaṃ bhuñjati, no ca vata re vattabbe – ‘‘buddhassa bhagavato uccārapassāvo ativiya aññe gandhajāte adhiggaṇhātī’’ti.
ಬುದ್ಧಸ್ಸ ಭಗವತೋ ಉಚ್ಚಾರಪಸ್ಸಾವೋ ಅತಿವಿಯ ಅಞ್ಞೇ ಗನ್ಧಜಾತೇ ಅಧಿಗ್ಗಣ್ಹಾತೀತಿ? ಆಮನ್ತಾ। ಅತ್ಥಿ ಕೇಚಿ ಬುದ್ಧಸ್ಸ ಭಗವತೋ ಉಚ್ಚಾರಪಸ್ಸಾವಂ ನ್ಹಾಯನ್ತಿ ವಿಲಿಮ್ಪನ್ತಿ ಉಚ್ಛಾದೇನ್ತಿ 1 ಪೇಳಾಯ ಪಟಿಸಾಮೇನ್ತಿ ಕರಣ್ಡಾಯ ನಿಕ್ಖಿಪನ್ತಿ ಆಪಣೇ ಪಸಾರೇನ್ತಿ, ತೇನ ಚ ಗನ್ಧೇನ ಗನ್ಧಕರಣೀಯಂ ಕರೋನ್ತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Buddhassa bhagavato uccārapassāvo ativiya aññe gandhajāte adhiggaṇhātīti? Āmantā. Atthi keci buddhassa bhagavato uccārapassāvaṃ nhāyanti vilimpanti ucchādenti 2 peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṃ karontīti? Na hevaṃ vattabbe…pe….
ಗನ್ಧಜಾತಿಕಥಾ ನಿಟ್ಠಿತಾ।
Gandhajātikathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೪. ಗನ್ಧಜಾತಕಥಾವಣ್ಣನಾ • 4. Gandhajātakathāvaṇṇanā
