| Library / Tipiṭaka / တိပိဋက • Tipiṭaka / ကထာဝတ္ထုပာဠိ • Kathāvatthupāḷi |
၁၈. အဋ္ဌာရသမဝဂ္ဂော
18. Aṭṭhārasamavaggo
(၁၈၀) ၄. ဂန္ဓဇာတိကထာ
(180) 4. Gandhajātikathā
၈၀၉. ဗုဒ္ဓသ္သ ဘဂဝတော ဥစ္စာရပသ္သာဝော အတိဝိယ အညေ ဂန္ဓဇာတေ အဓိဂ္ဂဏ္ဟာတီတိ ? အာမန္တာ။ ဘဂဝာ ဂန္ဓဘောဇီတိ? န ဟေဝံ ဝတ္တဗ္ဗေ။ပေ.။ နနု ဘဂဝာ ဩဒနကုမ္မာသံ ဘုဉ္ဇတီတိ? အာမန္တာ။ ဟဉ္စိ ဘဂဝာ ဩဒနကုမ္မာသံ ဘုဉ္ဇတိ, နော စ ဝတ ရေ ဝတ္တဗ္ဗေ – ‘‘ဗုဒ္ဓသ္သ ဘဂဝတော ဥစ္စာရပသ္သာဝော အတိဝိယ အညေ ဂန္ဓဇာတေ အဓိဂ္ဂဏ္ဟာတီ’’တိ။
809. Buddhassa bhagavato uccārapassāvo ativiya aññe gandhajāte adhiggaṇhātīti ? Āmantā. Bhagavā gandhabhojīti? Na hevaṃ vattabbe…pe… nanu bhagavā odanakummāsaṃ bhuñjatīti? Āmantā. Hañci bhagavā odanakummāsaṃ bhuñjati, no ca vata re vattabbe – ‘‘buddhassa bhagavato uccārapassāvo ativiya aññe gandhajāte adhiggaṇhātī’’ti.
ဗုဒ္ဓသ္သ ဘဂဝတော ဥစ္စာရပသ္သာဝော အတိဝိယ အညေ ဂန္ဓဇာတေ အဓိဂ္ဂဏ္ဟာတီတိ? အာမန္တာ။ အတ္ထိ ကေစိ ဗုဒ္ဓသ္သ ဘဂဝတော ဥစ္စာရပသ္သာဝံ န္ဟာယန္တိ ဝိလိမ္ပန္တိ ဥစ္ဆာဒေန္တိ 1 ပေဠာယ ပဋိသာမေန္တိ ကရဏ္ဍာယ နိက္ခိပန္တိ အာပဏေ ပသာရေန္တိ, တေန စ ဂန္ဓေန ဂန္ဓကရဏီယံ ကရောန္တီတိ? န ဟေဝံ ဝတ္တဗ္ဗေ။ပေ.။။
Buddhassa bhagavato uccārapassāvo ativiya aññe gandhajāte adhiggaṇhātīti? Āmantā. Atthi keci buddhassa bhagavato uccārapassāvaṃ nhāyanti vilimpanti ucchādenti 2 peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṃ karontīti? Na hevaṃ vattabbe…pe….
ဂန္ဓဇာတိကထာ နိဋ္ဌိတာ။
Gandhajātikathā niṭṭhitā.
Footnotes:
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၄. ဂန္ဓဇာတကထာဝဏ္ဏနာ • 4. Gandhajātakathāvaṇṇanā
