| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๘. อฎฺฐารสมวโคฺค
18. Aṭṭhārasamavaggo
(๑๘๐) ๔. คนฺธชาติกถา
(180) 4. Gandhajātikathā
๘๐๙. พุทฺธสฺส ภควโต อุจฺจารปสฺสาโว อติวิย อเญฺญ คนฺธชาเต อธิคฺคณฺหาตีติ ? อามนฺตาฯ ภควา คนฺธโภชีติ? น เหวํ วตฺตเพฺพ…เป.… นนุ ภควา โอทนกุมฺมาสํ ภุญฺชตีติ? อามนฺตาฯ หญฺจิ ภควา โอทนกุมฺมาสํ ภุญฺชติ, โน จ วต เร วตฺตเพฺพ – ‘‘พุทฺธสฺส ภควโต อุจฺจารปสฺสาโว อติวิย อเญฺญ คนฺธชาเต อธิคฺคณฺหาตี’’ติฯ
809. Buddhassa bhagavato uccārapassāvo ativiya aññe gandhajāte adhiggaṇhātīti ? Āmantā. Bhagavā gandhabhojīti? Na hevaṃ vattabbe…pe… nanu bhagavā odanakummāsaṃ bhuñjatīti? Āmantā. Hañci bhagavā odanakummāsaṃ bhuñjati, no ca vata re vattabbe – ‘‘buddhassa bhagavato uccārapassāvo ativiya aññe gandhajāte adhiggaṇhātī’’ti.
พุทฺธสฺส ภควโต อุจฺจารปสฺสาโว อติวิย อเญฺญ คนฺธชาเต อธิคฺคณฺหาตีติ? อามนฺตาฯ อตฺถิ เกจิ พุทฺธสฺส ภควโต อุจฺจารปสฺสาวํ นฺหายนฺติ วิลิมฺปนฺติ อุจฺฉาเทนฺติ 1 เปฬาย ปฎิสาเมนฺติ กรณฺฑาย นิกฺขิปนฺติ อาปเณ ปสาเรนฺติ, เตน จ คเนฺธน คนฺธกรณียํ กโรนฺตีติ? น เหวํ วตฺตเพฺพ…เป.…ฯ
Buddhassa bhagavato uccārapassāvo ativiya aññe gandhajāte adhiggaṇhātīti? Āmantā. Atthi keci buddhassa bhagavato uccārapassāvaṃ nhāyanti vilimpanti ucchādenti 2 peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṃ karontīti? Na hevaṃ vattabbe…pe….
คนฺธชาติกถา นิฎฺฐิตาฯ
Gandhajātikathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๔. คนฺธชาตกถาวณฺณนา • 4. Gandhajātakathāvaṇṇanā
