| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૮. અટ્ઠારસમવગ્ગો
18. Aṭṭhārasamavaggo
(૧૮૦) ૪. ગન્ધજાતિકથા
(180) 4. Gandhajātikathā
૮૦૯. બુદ્ધસ્સ ભગવતો ઉચ્ચારપસ્સાવો અતિવિય અઞ્ઞે ગન્ધજાતે અધિગ્ગણ્હાતીતિ ? આમન્તા. ભગવા ગન્ધભોજીતિ? ન હેવં વત્તબ્બે…પે॰… નનુ ભગવા ઓદનકુમ્માસં ભુઞ્જતીતિ? આમન્તા. હઞ્ચિ ભગવા ઓદનકુમ્માસં ભુઞ્જતિ, નો ચ વત રે વત્તબ્બે – ‘‘બુદ્ધસ્સ ભગવતો ઉચ્ચારપસ્સાવો અતિવિય અઞ્ઞે ગન્ધજાતે અધિગ્ગણ્હાતી’’તિ.
809. Buddhassa bhagavato uccārapassāvo ativiya aññe gandhajāte adhiggaṇhātīti ? Āmantā. Bhagavā gandhabhojīti? Na hevaṃ vattabbe…pe… nanu bhagavā odanakummāsaṃ bhuñjatīti? Āmantā. Hañci bhagavā odanakummāsaṃ bhuñjati, no ca vata re vattabbe – ‘‘buddhassa bhagavato uccārapassāvo ativiya aññe gandhajāte adhiggaṇhātī’’ti.
બુદ્ધસ્સ ભગવતો ઉચ્ચારપસ્સાવો અતિવિય અઞ્ઞે ગન્ધજાતે અધિગ્ગણ્હાતીતિ? આમન્તા. અત્થિ કેચિ બુદ્ધસ્સ ભગવતો ઉચ્ચારપસ્સાવં ન્હાયન્તિ વિલિમ્પન્તિ ઉચ્છાદેન્તિ 1 પેળાય પટિસામેન્તિ કરણ્ડાય નિક્ખિપન્તિ આપણે પસારેન્તિ, તેન ચ ગન્ધેન ગન્ધકરણીયં કરોન્તીતિ? ન હેવં વત્તબ્બે…પે॰….
Buddhassa bhagavato uccārapassāvo ativiya aññe gandhajāte adhiggaṇhātīti? Āmantā. Atthi keci buddhassa bhagavato uccārapassāvaṃ nhāyanti vilimpanti ucchādenti 2 peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṃ karontīti? Na hevaṃ vattabbe…pe….
ગન્ધજાતિકથા નિટ્ઠિતા.
Gandhajātikathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૪. ગન્ધજાતકથાવણ્ણના • 4. Gandhajātakathāvaṇṇanā
