| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
१८. अट्ठारसमवग्गो
18. Aṭṭhārasamavaggo
(१८०) ४. गन्धजातिकथा
(180) 4. Gandhajātikathā
८०९. बुद्धस्स भगवतो उच्चारपस्सावो अतिविय अञ्ञे गन्धजाते अधिग्गण्हातीति ? आमन्ता। भगवा गन्धभोजीति? न हेवं वत्तब्बे…पे॰… ननु भगवा ओदनकुम्मासं भुञ्जतीति? आमन्ता। हञ्चि भगवा ओदनकुम्मासं भुञ्जति, नो च वत रे वत्तब्बे – ‘‘बुद्धस्स भगवतो उच्चारपस्सावो अतिविय अञ्ञे गन्धजाते अधिग्गण्हाती’’ति।
809. Buddhassa bhagavato uccārapassāvo ativiya aññe gandhajāte adhiggaṇhātīti ? Āmantā. Bhagavā gandhabhojīti? Na hevaṃ vattabbe…pe… nanu bhagavā odanakummāsaṃ bhuñjatīti? Āmantā. Hañci bhagavā odanakummāsaṃ bhuñjati, no ca vata re vattabbe – ‘‘buddhassa bhagavato uccārapassāvo ativiya aññe gandhajāte adhiggaṇhātī’’ti.
बुद्धस्स भगवतो उच्चारपस्सावो अतिविय अञ्ञे गन्धजाते अधिग्गण्हातीति? आमन्ता। अत्थि केचि बुद्धस्स भगवतो उच्चारपस्सावं न्हायन्ति विलिम्पन्ति उच्छादेन्ति 1 पेळाय पटिसामेन्ति करण्डाय निक्खिपन्ति आपणे पसारेन्ति, तेन च गन्धेन गन्धकरणीयं करोन्तीति? न हेवं वत्तब्बे…पे॰…।
Buddhassa bhagavato uccārapassāvo ativiya aññe gandhajāte adhiggaṇhātīti? Āmantā. Atthi keci buddhassa bhagavato uccārapassāvaṃ nhāyanti vilimpanti ucchādenti 2 peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṃ karontīti? Na hevaṃ vattabbe…pe….
गन्धजातिकथा निट्ठिता।
Gandhajātikathā niṭṭhitā.
Footnotes:
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ४. गन्धजातकथावण्णना • 4. Gandhajātakathāvaṇṇanā
