| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৮. অট্ঠারসমৰগ্গো
18. Aṭṭhārasamavaggo
(১৮০) ৪. গন্ধজাতিকথা
(180) 4. Gandhajātikathā
৮০৯. বুদ্ধস্স ভগৰতো উচ্চারপস্সাৰো অতিৰিয অঞ্ঞে গন্ধজাতে অধিগ্গণ্হাতীতি ? আমন্তা। ভগৰা গন্ধভোজীতি? ন হেৰং ৰত্তব্বে…পে॰… ননু ভগৰা ওদনকুম্মাসং ভুঞ্জতীতি? আমন্তা। হঞ্চি ভগৰা ওদনকুম্মাসং ভুঞ্জতি, নো চ ৰত রে ৰত্তব্বে – ‘‘বুদ্ধস্স ভগৰতো উচ্চারপস্সাৰো অতিৰিয অঞ্ঞে গন্ধজাতে অধিগ্গণ্হাতী’’তি।
809. Buddhassa bhagavato uccārapassāvo ativiya aññe gandhajāte adhiggaṇhātīti ? Āmantā. Bhagavā gandhabhojīti? Na hevaṃ vattabbe…pe… nanu bhagavā odanakummāsaṃ bhuñjatīti? Āmantā. Hañci bhagavā odanakummāsaṃ bhuñjati, no ca vata re vattabbe – ‘‘buddhassa bhagavato uccārapassāvo ativiya aññe gandhajāte adhiggaṇhātī’’ti.
বুদ্ধস্স ভগৰতো উচ্চারপস্সাৰো অতিৰিয অঞ্ঞে গন্ধজাতে অধিগ্গণ্হাতীতি? আমন্তা। অত্থি কেচি বুদ্ধস্স ভগৰতো উচ্চারপস্সাৰং ন্হাযন্তি ৰিলিম্পন্তি উচ্ছাদেন্তি 1 পেল়ায পটিসামেন্তি করণ্ডায নিক্খিপন্তি আপণে পসারেন্তি, তেন চ গন্ধেন গন্ধকরণীযং করোন্তীতি? ন হেৰং ৰত্তব্বে…পে॰…।
Buddhassa bhagavato uccārapassāvo ativiya aññe gandhajāte adhiggaṇhātīti? Āmantā. Atthi keci buddhassa bhagavato uccārapassāvaṃ nhāyanti vilimpanti ucchādenti 2 peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṃ karontīti? Na hevaṃ vattabbe…pe….
গন্ধজাতিকথা নিট্ঠিতা।
Gandhajātikathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৪. গন্ধজাতকথাৰণ্ণনা • 4. Gandhajātakathāvaṇṇanā
